سوڈان میں جاری لڑائی کے باعث 860,000 لوگوں کے ملک سے نقل مکانی کرنے کی توقع ہے۔ ان حالات میں اقوام متحدہ میں پناہ گزینوں کے ادارے 'یو این ایچ سی آر' اور اس کے شراکت داروں نے اکتوبر تک بے گھر لوگوں کی مدد کے لئے 445 ملین ڈالر مہیا کرنے کی اپیل کی ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ سوڈان میں مسلح تنازعے اور بڑھتی ہوئی انسانی تباہی سے ملک اور خطے میں مزید غارت گری ہونے سے پہلے لڑائی کا فوری بند ہو جانا ضروری ہے۔
اقوام متحدہ میں پناہ گزینوں کے امور سے متعلق ادارے (یو این ایچ سی آر) نے بتایا ہے کہ 100,000 سے زیادہ لوگ تحفظ کی تلاش میں سوڈان سے ہمسایہ ممالک کو جا چکے ہیں۔
ڈبلیو ایف پی کی ایگزیکٹو ڈائریکٹر سنڈی مکین نے بتایا ہے کہ ادارے نے سوڈان میں اپنی کارروائیوں کی عارضی معطلی ختم کر دی ہے جبکہ متحارب عسکری دھڑوں کے درمیان جاری لڑائی کے باعث لاکھوں لوگ بھوک کا شکار ہیں۔
اقوام متحدہ کے امدادی اداروں نے کہا ہے کہ سوڈان کے شہری، بڑی تعداد میں اندرون ملک بے گھر ہو جانے والے لوگ اور مہاجرین تحفظ کی جدوجہد کر رہے ہیں اور ملک میں جاری تشدد کے تباہ کن نتائج بھگت رہے ہیں جبکہ بہت سی امدادی کارروائیاں رک گئی ہیں۔
اپریل 2019 میں سابق صدر عمر حسن البشیر کی اقتدار سے بے دخلی کے بعد سوڈان میں سویلین حکمرانی کی جانب منتقلی کا عمل پُرآشوب حالات سے دوچار ہے۔
سوڈان میں متحارب عسکری دھڑوں کے مابین جاری لڑائی کے باعث اقوام متحدہ کو ملک بھر میں اپنی تمام امدادی کارروائیاں لازمی طور سے روکنا پڑی ہیں تاہم بحیرہ قلزم کے ساحلی علاقے پورٹ سوڈان میں منتقل ہونے والے امدادی حکام جلد از جلد خرطوم واپسی کا عزم رکھتے ہیں۔
سوڈان میں اقوام متحدہ کے خصوصی نمائندے نے 11 روزہ لڑائی میں ملک کو افراتفری میں دھکیلنے والے متحارب عسکری دھڑوں سے کہا ہے کہ وہ سہ روزہ متفقہ جنگ بندی کا مکمل احترام کریں جبکہ مغربی ڈارفر میں فرقہ وارانہ تشدد اور حملوں پر تشویش بڑھ رہی ہے۔
سوڈان میں بڑھتی ہوئی ضروریات، اہم چیزوں کی قلت اور قیمتوں میں تیزتر اضافے کے ہوتے ہوئے اقوام متحدہ کے امدادی اداروں نے وعدہ کیا ہے کہ لوگوں کو اشد ضروری امداد کی فراہمی جاری رہے گی۔
اقوام متحدہ کے سیکرٹری جنرل نے سوڈان میں متحارب عسکری دھڑوں کے مابین شدید لڑائی کے باعث ادارے کے عملے کے سینکڑوں ارکان اور ان کے اہلخانہ کی دارالحکومت خرطوم سے عارضی منتقلی کا خیرمقدم کیا ہے۔
