اقوام متحدہ غزہ میں جنگ بندی سے فائدہ اٹھاتے ہوئے وہاں محصور عوام کو امداد کی فراہمی میں تیزی لا رہا ہے۔ زیادہ سے زیادہ لوگوں کو خوراک فراہم کرنے اور انہیں قحط جیسی صورتحال سے بچانے کے لیے اجتماعی باورچی خانے قائم کیے گئے ہیں۔

اقوام متحدہ کے ٹرک اس وقت صرف جنوبی علاقے میں دو راستوں سے ہی غزہ میں داخل ہو سکتے ہیں۔

غزہ میں روزانہ تقریباً 750 ٹن امدادی خوراک لائی جا رہی ہے جس کی کچھ مقدار عالمی پروگرام برائے خوراک (ڈبلیو ایف پی)کے گوداموں میں ذخیرہ کی جا رہی ہے۔

ایک کمسن لڑکا اقوام متحدہ کی جانب سے تقسیم کی جانے والی خوراک کے تین ڈبوں کے قریب کھڑا ہے۔ یہ اس کے خاندان کو گزشتہ چھ ماہ میں ملنے والی پہلی امداد ہے۔

روٹی فلسطینیوں کی خوراک کا بنیادی جزو ہے جو عالمی پروگرام برائے خوراک (ڈبلیو ایف پی)کی معاونت سے چلنے والے تنوروں میں تیار کی جا رہی ہے۔

اس روٹی کو غزہ کے بھوکے لوگوں میں تقسیم کیا جاتا ہے۔

اقوام متحدہ نے بالآخر غزہ میں صابن بھی پہنچا دیا ہے اور اب بچے اپنے ہاتھ اچھی طرح دھو سکتے ہیں۔

جنگ سے متاثر ہونے والے اور صدمے کا شکار بچے یونیسف کے عملے سے رہنمائی اور نفسیاتی مدد حاصل کر رہے ہیں۔