اقوام متحدہ کے سیکرٹری جنرل انتونیو گوتیرش نے روس کی جانب سے بحیرہ اسود کے راستے اناج کی ترسیل کے اقدام میں اپنی شمولیت معطل کرنے کے فیصلے پر گہری تشویش کا اظہار کیا ہے۔ یہ معاہدہ یوکرین سے بنیادی ضرورت کی خوراک اور کھادوں کی باقی دنیا کو ترسیل بحال کرنے کے لیے طے پایا تھا۔
اقوام متحدہ کے ادارہ برائے تجارت و ترقی (یو این سی ٹی اے ڈی) کی جمعرات کو شائع ہونے والی ایک نئی رپورٹ سے ظاہر ہوتا ہے کہ اقوام متحدہ کے زیرقیادت بحیرہ اسود کے راستے اناج کی ترسیل کے اقدام نے کس طرح ان لاکھوں لوگوں کو امید مہیا کی ہے جو خوراک کی بڑھتی ہوئی قیمتوں اور جنگ زدہ یوکرین سے عام استعمال ہونے والی غذائی اجناس کی ترسیل میں کمی سے بری طرح متاثر ہو رہے ہیں۔
یوکرین کے بارے میں غیرجانبدار انکوائری کمیشن نے منگل کو اپنی پہلی تفصیلی تحریری رپورٹ اقوام متحدہ کی جنرل اسمبلی کو پیش کی جس میں کہا گیا ہے کہ یہ یقین کرنے کی معقول وجوہات موجود ہیں کہ یوکرین میں جنگی جرائم، بین الاقوامی انسانی حقوق اور انسانی قانون کی پامالیوں کے ارتکاب کے بہت سے واقعات ہوئے ہیں۔
اقوام متحدہ کی جنرل اسمبلی نے بدھ کو بھاری اکثریت سے ایک قرارداد کی منظوری دی جس میں رکن ممالک سے کہا گیا ہے کہ وہ یوکرین کے چار علاقوں پر روس کا دعویٰ تسلیم نہ کریں جنہیں اس نے گزشتہ ماہ کے آخر میں نام نہاد ریفرنڈم کے بعد اپنا حصہ قرار دیا تھا۔
اقوام متحدہ کی جنرل اسمبلی کے صدر سابا کوروشی نے کہا ہے کہ روس اور یوکرین کے مابین جنگ کو سفارتی کوششوں سے ختم کرنے کا دروازہ کھلا رہنا چاہیے اور جوہری ہتھیاروں کے استعمال کی کسی بھی دھمکی کی ''عالمی سطح پر مذمت'' کی جانی چاہیے۔
روس، یوکرین اور بیلارس سے تعلق رکھنے والے انسانی حقوق کے حامی، جنہیں اس سال امن کا نوبیل انعام دیا گیا ہے، ''جمہوریت کے لیے تازہ ہوا کا جھونکا'' ہیں۔ یہ بات اقوام متحدہ کے سیکرٹری جنرل نے تینوں اعزاز یافتگان کے نام مبارک باد کے پیغام میں کہی ہے۔
روس نے جمعے کو سلامتی کونسل میں پیش کی جانے والی ایک قرارداد کو ویٹو کر دیا جس میں اس کی جانب سے یوکرین کے چار علاقوں کا اپنے ساتھ غیرقانونی طور پر الحاق کرنے کی کوششوں کو عالمی امن اور سلامتی کے لیے خطرہ'' قرار دیتے ہوئے مطالبہ کیا گیا تھا کہ یہ فیصلہ فوری اور غیرمشروط طور پر واپس لیا جائے۔ روس نے جمعے کی صبح ماسکو میں ایک رسمی تقریب میں الحاق کا عمل شروع کرنے کا اعلان کیا تھا۔
اقوام متحدہ کے سیکرٹری جنرل نے کہا ہے کہ روس کی جانب سے یوکرین کے چار مقبوضہ علاقوں کا اپنے ساتھ الحاق کرنے کا مںصوبہ ایک غیرقانونی اقدام اور بین الاقوامی قانون کی خلاف ورزی ہو گی جس کی مذمت کی جانی چاہیے۔ انہوں نے خبردار کیا کہ روس کے اس اقدام کے نتیجے میں سات ماہ سے جاری جنگ میں ''خطرناک شدت'' پیدا ہو جائے گی۔ جمعرات کو نیویارک میں صحافیوں سے بات کرتے ہوئے انہوں نے کہا کہ ''خطرے کی اس گھڑی میں سیکرٹری جنرل کی حیثیت سے مجھے اقوام متحدہ کے چارٹر کو قائم رکھنے کا اپنا فرض ادا کرنا ہے۔''
یوکرین پر روس کے حملے کو تقریباً سات ماہ ہو گئے ہیں اور اس موقع پر اقوام متحدہ کی جانب سے مقرر کردہ انسانی حقوق کے غیرجانبدار تفتیش کاروں نے کہا ہے کہ اس مسلح تنازعے میں یقیناً جنگی جرائم کا ارتکاب ہوا ہے۔
یوکرین پر روس کا حملہ شروع ہونے کے بعد یوکرین سے اناج اور روس سے خوراک اور کھادوں کی برآمدات نمایاں طور سے متاثر ہوئی ہیں۔ ان اشیاء کی ترسیلات میں خلل آنے سے بڑھتی ہوئی قیمتوں میں مزید اضافہ ہو گیا ہے جس سے خوراک کے عالمگیر بحران نے جنم لیا ہے۔ یوکرین سے کھادوں اور خوراک کی ضروری برآمدات کی دنیا بھر میں دوبارہ ترسیل شروع کرنے کے لیے اقوام متحدہ اور ترکی کی ثالثی کے ذریعے بحیرۂ اسود کے راستے اناج کی ترسیل کا اقدام شروع کیا گیا ہے۔ اس حوالے سے چند اہم نقاط کی وضاحت اس ویڈیو میں۔
