اقوام متحدہ کے حکام نے سلامتی کونسل کو بتایا ہے کہ اگرچہ یوکرین کی جنگ کے پرُ امن حل کی اشد ضرورت ہے تاہم اس حوالے سے کوئی بھی معاہدہ واضح اور قابل عمل ہونا چاہیے جس سے اس تنازعے کی بنیادی وجوہات پر قابو پانے میں مدد مل سکے۔
یوکرین پر روس کے بڑے پیمانے پر کیے گئے حملے کے تقریباً ایک سال بعد اقوام متحدہ نے اس جنگ زدہ ملک کے اندر اور باہر لاکھوں متاثرین کی مدد کے لیے 5.6 بلین ڈالر امداد کی اپیل کی ہے۔
اقوام متحدہ کے امدادی قافلے اس ہفتے یوکرین کے مشرقی علاقے میں محاذ جنگ کے قریب رہنے والے انتہائی ضرورت مند لوگوں تک پہنچ گئے ہیں۔
اقوام متحدہ میں انسانی حقوق کے دفتر 'او ایچ سی ایچ آر' کا کہنا ہے کہ روس میں انسانی حقوق کی قدیم ترین تنظیم 'ماسکو ہیلسنکی گروپ' (ایم ایچ جی) کو بند کرنے کا عدالتی حکم ملک میں انسانی حقوق اور شہری آزادی کے لیے ایک اور دھچکا ہے۔
قریباً ایک سال پہلے یوکرین میں روس کا حملہ شروع ہونے کے بعد اقوام متحدہ کا پہلا امدادی قافلہ جمعے کی صبح جنگ سے تباہ حال مشرقی شہر سولیڈار کے نواح میں پہنچ گیا جو 800 سے زیادہ ضرورت مند شہریوں کو مدد مہیا کرے گا۔
اقوام متحدہ کی معاون سیکرٹری جنرل برائے انسانی حقوق ایلزے برینڈز کیرس نے سلامتی کونسل سے خطاب کرتے ہوئے روس کے زیرقبضہ علاقے سمیت یوکرین میں مذہبی آزادی پر پابندیوں کے بارے میں تشویش کا اظہار کیا ہے۔
اقوام متحدہ کے ادارہ برائے خوراک و زراعت نے یوکرین میں کسانوں اور چھوٹے زمینداروں کے لیے 15.5 ملین ڈالر کے امدادی اقدام کا اعلان کرتے ہوئے کہا ہے کہ ملک میں غذائی بحران سے بچنے کے لیے کسانوں کو فوری طور پر مزید مدد کی ضرورت ہے۔
نئے سال کی چھٹیوں کے دوران یوکرین میں روسی فوج کے مہلک حملوں میں نیا اضافہ دیکھنے میں آیا ہے جن میں عام شہریوں کی ہلاکتوں کی اطلاعات ہیں جبکہ روس نے لڑائی میں بڑی تعداد میں اپنے فوجیوں کی ہلاکتوں کا اعتراف کیا ہے۔
