متحدہ عرب امارات کے وزیر مملکت برائے خارجہ امور شیخ شخبوط نہیان النہیان نے عالمی مسائل پر قابو پانے کے لیے کثیرفریقی نظام کو مضبوط اور دور حاضر کے تقاضوں سے ہم آہنگ کرنے کی ضرورت پر زور دیا ہے۔
شام کے وزیر خارجہ بسام سباغ نے خبردار کیا ہے کہ اسرائیل کی بڑے پیمانے پر بلاروک و ٹوک جارحیت سے مشرق وسطیٰ خطرناک کشیدگی کا شکار ہو رہا ہے جس کے پوری دنیا میں امن و سلامتی کے لیے ناقابل تصور نتائج برآمد ہوں گے۔
لبنان میں جاری اسرائیل کی فضائی بمباری کے نتیجے میں اب تک 10 لاکھ سے زیادہ لوگ بے گھر ہو چکے ہیں جبکہ ملک میں بڑے پیمانے پر جنگ کے خدشات کو لے کر خوف کی فضا پائی جاتی ہے۔
اقوام متحدہ کے سیکرٹری جنرل انتونیو گوتیرش نے لبنان کے دارالحکومت بیروت میں گزشتہ 24 گھنٹے کے دوران ہونے والے حملوں پر سخت تشویش ظاہر کرتے ہوئے فریقین پر کشیدگی میں کمی لانے کے لیے زور دیا ہے۔
امدادی امور کے لیے اقوام متحدہ کے رابطہ دفتر (اوچا) نے بتایا ہے کہ غزہ میں بے گھر لوگوں کی پناہ گاہوں کے طور پر استعمال ہونے والے کم از کم 11 سکول رواں مہینے حملوں کا نشانہ بن چکے ہیں جن میں تقریباً 100 افراد کی ہلاکت ہوئی ہے۔
اقوام متحدہ کے امدادی اداروں نے بتایا ہے کہ لبنان کے مسلح گروہ حزب اللہ اور اسرائیل کے مابین حالیہ کشیدگی نے بڑے پیمانے پر خوف و دہشت کو جنم دیا ہے اور آئندہ حالات اس سے بھی زیادہ خراب ہو سکتے ہیں۔
اسرائیل کے وزیراعظم بینجمن نیتن یاہو نے کہا ہے کہ اسرائیل کے دشمن اس کا اور انسانیت کی مشترکہ تہذیب کا خاتمہ کر کے جبر و دہشت کا راج چاہتے ہیں جبکہ ان کا ملک اپنے دفاع کی جنگ لڑتا رہے گا۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا نے غزہ کے لوگوں کو مایوس کیا ہے اور فلسطینی پناہ گزینوں کے لیے اقوام متحدہ کا ادارہ (انرا) ہی اس جہنم زار میں جنگ سے تباہ حال لوگوں کی واحد امید ہے۔
فلسطین کے صدر محمود عباس نے کہا ہے کہ اسرائیل غزہ میں بڑے پیمانے پر نسل کشی کا ارتکاب کر رہا ہے۔ عالمی برادری اس کے خلاف پابندیاں عائد کرے اور اس سے اقوام متحدہ کی رکنیت واپس لی جائے۔
اقوام متحدہ کے امدادی اداروں نے کہا ہے کہ لبنان میں اسرائیل کی بمباری سے بچنے کے لیے ہزاروں افراد نقل مکانی کر رہے ہیں جہاں شام کے ساتھ سرحد پر ایک اور انسانی بحران جنم لے رہا ہے۔
