اقوام متحدہ کے دفتر برائے انسانی حقوق (او ایچ سی ایچ آر) نے اسرائیل پر زور دیا ہے کہ وہ غزہ میں فلسطینیوں کو اپنے گھروں میں واپسی کی اجازت دے اور بے گھر لوگوں سمیت تمام شہریوں کا تحفظ یقینی بنائے۔
اقوام متحدہ کی جنرل اسمبلی نے فلسطینی مسئلے کے پرامن حل، اقوام متحدہ کے سیکرٹریٹ میں فلسطینیوں کے حقوق سے متعلق شعبے کی افادیت اور اسرائیل پر گولان کے مسئلے کو بات چیت کے ذریعے حل کرنے پر زور دینے کی قراردادیں منظور کر لی ہیں۔
اقوام متحدہ کی جنرل اسمبلی کے صدر فائلیمن یانگ نے واضح کیا ہےکہ مشرق وسطیٰ میں امن و سلامتی طاقت یا قبضے کے زور پر ممکن نہیں بلکہ اس کے لیے بات چیت، باہمی احترام اور عالمی قانون کی بنیاد پر منصفانہ، جامع و پائیدار طریقہ ہائے کار سے کام لینے کا عزم درکار ہے۔
اقوام متحدہ کے سیکرٹری جنرل انتونیو گوتیرش نے شمال مغربی شام میں بڑھتے تشدد پر تشویش کا اظہار کرتے ہوئے لڑائی کو فی الفور روکنے اور فریقین پر بین الاقوامی قانون کے تحت اپنی ذمہ داریاں پوری کرنے کے لیے زور دیا ہے۔
اقوام متحدہ کی نائب سیکرٹری جنرل امینہ محمد نے غزہ کی صورتحال کو ہولناک اور تباہ کن قرار دیتے ہوئے عالمی رہنماؤں سے کہا ہے کہ وہ فلسطینی لوگوں کی تکالیف کا خاتمہ کرنے اور مزید تباہی کو روکنے کے لیے فیصلہ کن قدم اٹھائیں۔
شام کے علاقے حلب میں تیزی سے بڑھتی کشیدگی کے باعث ہزاروں افراد بے گھر ہو گئے ہیں اور بڑے پیمانے پر ہلاکتوں کی اطلاع ہے۔ اقوام متحدہ کے اعلیٰ حکام نے خبردار کیا ہے کہ موجودہ حالات میں ملک کا انسانی بحران بڑھنے اور علاقائی استحکام مزید متاثر ہونے کا خدشہ ہے۔
اقوام متحدہ کے امدادی اداروں نے خبردار کیا ہے کہ غزہ میں لوگوں کو ہولناک تباہی کا سامنا ہے جہاں خوراک ان کی پہنچ سے دور ہو گئی ہے، نظم و نسق ختم ہو چکا ہے اور امدادی وسائل پر لوٹ مار کے واقعات بڑھتے جا رہے ہیں۔
پناہ گزینوں کے لیے اقوام متحدہ کے ادارے (یو این ایچ سی آر) نے لبنان میں جنگ سے متاثرہ لوگوں کے لیے امدادی وسائل کی اپیل کرتے ہوئے کہا ہے کہ امن معاہدے سے لاکھوں لوگوں نے سکھ کا سانس لیا ہے جن کی زندگیاں 13 سالہ کشیدگی میں بری طرح متاثر ہوئی ہیں۔
امدادی امور کے لیے اقوام متحدہ کے رابطہ دفتر (اوچا) نے بتایا ہے کہ شام کے شہر حلب میں بڑھتی ہوئی کشیدگی کے باعث ہزاروں لوگ نقل مکانی کر رہے ہیں جنہیں شدید سردی میں سخت مشکلات کا سامنا ہے۔
اسرائیل کے ساتھ جنگ بندی کا معاہدہ طے پانے کے بعد لبنان کے سرحدی علاقوں میں لوگوں کی واپسی شروع ہو گئی ہے۔ اقوام متحدہ کے امدادی اداروں نے جنگ کے باعث بے گھر ہونے والوں کو مدد کی فراہمی کا عزم کیا ہے۔
