جنوبی لبنان میں فلسطینی پناہ گزینوں کے کیمپ عین الحلوہ میں مسلح لڑائی تیسرے روز بھی جاری ہے جبکہ ملک میں اقوام متحدہ کی اعلیٰ ترین عہدیدار کا کہنا ہے کہ ان حالات میں بچوں سمیت عام لوگوں کو نقصان ہو رہا ہے۔
سلامتی کونسل کو بتایا گیا ہے کہ دو دہائیوں کے بعد گزشتہ مہینے مقبوضہ مغربی کنارے میں اسرائیلی فوج کی شدید ترین کارروائیوں سے عدم تحفظ اور تشدد میں تیزی سے اضافہ ہوا ہے۔
فلسطینی پناہ گزینوں کے لیے کام کرنے والے اقوام متحدہ کے ادارے انرا (یو این آر ڈبلیو اے) کو 2 اور 4 جولائی کے درمیان مقبوضہ مغربی کنارے میں جینن مہاجر کیمپ میں اسرائیلی فوجی کارروائی کے بعد مختلف شعبوں میں ہنگامی امدادی اقدامات کے لیے 23.8 ملین ڈالر درکار ہیں۔
انسانی حقوق سے متعلق اقوام متحدہ کے متعین کردہ ماہرین نے اسرائیلی پولیس کی جانب سے مشرقی یروشلم سے فلسطینی خاندانوں کو جبری بیدخل کیے جانے کی مذمت کرتے ہوئے خبردار کیا ہے کہ یہ کارروائیاں جبری منتقلی کے جنگی جرم کے مترادف ہو سکتی ہیں۔
اقوام متحدہ کے سیکرٹری جنرل انتونیو گوتیرش نے اسرائیل اور فلسطین میں انسانی جانوں کے بڑھتے ہوئے ضیاع پر بات کرتے ہوئے شہریوں کے خلاف ہر طرح کے تشدد بشمول دہشت گری کے اقدامات کی کڑی مذمت کی ہے۔
