حکومتِ پاکستان نے ’غیرقانونی‘ طور پر مقیم تارکین وطن کو ملک چھوڑنے کا حکم دے رکھا ہے۔ 26 ستمبر کو ایسے لوگوں کے لیے یکم نومبر تک رضاکارانہ واپسی کی مہلت جاری کرتے ہوئے اعلان کیا گیا تھا کہ مقررہ مدت میں واپس نہ جانے والوں کو ملک بدر کر دیا جائے گا اور اکتیس دسمبر کے بعد انہیں 100 ڈالر ماہانہ جرمانے کا بھی سامنا ہوگا۔
گزشتہ ڈیڑھ برس میں انڈیا کی حکومت نے افغانستان میں اقوام متحدہ کے پروگرام برائے خوراک (ڈبلیو ایف پی) کو 50 ہزار میٹرک ٹن گندم عطیہ کی ہے جس سے تقریباً 50 لاکھ ضرورت مند لوگوں کو خوراک میسر آئی۔
افغانستان میں اقوام متحدہ کے امدادی مشن (یونیما) کی سربراہ روزا اوتنبائیوا نے ملک میں انسانی حقوق کی صورتحال کو تشویش ناک قرار دیتے ہوئے کہا ہے کہ بین الاقوامی اصولوں کی پاسداری کے معاملے پر طالبان سے کوئی رعایت نہیں برتی جا سکتی۔
افغانستان میں صنفی بنیاد پر تشدد سے متاثرہ خواتین نے بتایا ہے کہ انہیں حکام کو اپنے ساتھ پیش آنے والے واقعات کی اطلاع دینے کی صورت میں تحفظ کے لیے قید خانوں میں ڈالے جانے کا خدشہ ہوتا ہے۔
عالمی پروگرام برائے خوراک (ڈبلیو ایف پی) کو پاکستان سے واپس آنے والے افغان شہریوں کو سخت سردی کا موسم گزارنے میں مدد دینے کے لیے 2 کروڑ 63 لاکھ ڈالر درکار ہیں۔
افغانستان میں انسانی حقوق کی صورت حال پر اقوام متحدہ کے خصوصی اطلاع کار رچرڈ بینیٹ نے پاکستان سے افغان پناہ گزینوں کو واپس بھیجے جانے کے فیصلے پر بھی تشویش کا اظہار کرتے ہوئے کہا ہے کہ اس سے ان افغانوں کی مشکلات میں مزید اضافہ ہو رہا ہے۔
اقوام متحدہ کے عالمی پروگرام برائے خوراک (ڈبلیو ایف پی) نے کہا ہے کہ پاکستان سے ملک بدر کیے جانے والے افغان خاندانوں کو ہنگامی مدد کی فراہمی مالی وسائل کی قلت کے باعث غیریقینی کا شکار ہے۔
پناہ گزینوں کے لیے اقوام متحدہ کے ادارے (یو این ایچ سی آر) نے پاکستان سے غیر رجسٹرڈ افغانوں کو واپس بھیجنے کے فیصلے پر تشویش ظاہر کرتے ہوئے کہا ہے کہ عجلت اور خوف میں ملک چھوڑنے والوں کو مشکل حالات کا سامنا ہے۔
اقوام متحدہ کے عالمی ادارہ برائے مہاجرت (آئی او ایم) نے پاکستان سے واپس آنے والے افغانوں کی مدد کے لیے مالی وسائل مہیا کرنے کی اپیل کی ہے۔ ادارے کا کہنا ہے کہ ان لوگوں کو افغانستان میں غیریقینی مستقبل کا سامنا ہے۔
