پناہ گزینوں کے لیے اقوام متحدہ کے ہائی کمشنر فلیپو گرینڈی نے پاکستان میں رہنے والے افغانوں کے مستقبل سے متعلق طویل مدتی اقدامات اور ان کی میزبان آبادیوں کی مدد کے لیے کوششوں کو مزید بہتر بنانے پر زور دیا ہے۔
امدادی امور کے لیے اقوام متحدہ کے رابطہ دفتر (اوچا) کی ڈائریکٹر ایڈیم ووسورنو نے کہا ہے کہ افغانستان کا بحران ناقابل حل نہیں۔ عالمی برادری اسے اکیلا نہ چھوڑے اور وہاں کے لوگوں کی مدد جاری رکھے۔
افغانستان کے لیے اقوام متحدہ کی نمائندہ نے طالبان سے خواتین اور لڑکیوں پر عائد کی جانے والی پابندیاں واپس لینے کا مطالبہ کرتے ہوئے خبردار کیا ہے کہ حقوق پر رکاوٹیں جتنا عرصہ برقرار رہیں گی ملک کو اتنا ہی زیادہ نقصان ہو گا۔
حکومتِ پاکستان نے ’غیرقانونی‘ طور پر مقیم تارکین وطن کو ملک چھوڑنے کا حکم دے رکھا ہے۔ 26 ستمبر کو ایسے لوگوں کے لیے یکم نومبر تک رضاکارانہ واپسی کی مہلت جاری کرتے ہوئے اعلان کیا گیا تھا کہ مقررہ مدت میں واپس نہ جانے والوں کو ملک بدر کر دیا جائے گا اور اکتیس دسمبر کے بعد انہیں 100 ڈالر ماہانہ جرمانے کا بھی سامنا ہوگا۔
