افغانستان میں اقوام متحدہ کے ادارہ برائے اطفال (یونیسف) کے نمائندے فران ایکویزا نے کہا ہے کہ ملک میں اندازاً 90 فیصد آبادی غربت کے دھانے پر ہے اور "اس کا خمیازہ بچے بھگت رہے ہیں۔"
اقوام متحدہ کے ماہرین نے افغانستان کی سپریم کورٹ کی جانب سے سنگساری، کوڑے مارنے اور دیوار گرا کر ہلاک کرنے جیسی سزائیں دینے کے حالیہ اعلان پر تشویش کا اظہار کیا ہے۔
افغانستان میں اقوام متحدہ کے امدادی مشن (یونیما) نے کہا ہے کہ ملک کے موجودہ حکمرانوں کی جانب سے لوگوں کو جسمانی سزائیں دینے کے اقدامات بین الاقوامی قانون کے خلاف ہیں جنہیں بند ہونا چاہیے۔
اقوام متحدہ کے ماہرین نے کہا ہے کہ طالبان کی جانب سے افغان لڑکیوں اور خواتین کے سکول جانے اور کام کرنے پر پابندی سمیت ان کے حقوق کے خلاف منظم کارروائی کے بعد ملک میں بہت سی ایسی اموات واقع ہو سکتی ہیں جنہیں روکا جا سکتا ہے۔
اقوام متحدہ کے سیکرٹری جنرل نے کہا ہے کہ افغانستان کے موجودہ حالات کی طرح جب خواتین اور لڑکیوں کے حقوق پر حملہ ہو گا تو ادارہ کبھی خاموش نہیں رہے گا اور خواتین کے امدادی کام کرنے پر طالبان کی پابندی سے وہاں لاکھوں زندگیوں کو خطرہ لاحق ہو گیا ہے۔
اقوام متحدہ کے سیکرٹری جنرل انتونیو گوتیرش سوموار کو قطر کے دارالحکومت دوحہ میں افغانستان کے بارے میں دو روزہ اجلاس کی میزبانی کریں گے۔ اجلاس میں متعدد ممالک میں خدمات انجام دینے والے اقوام متحدہ کے خصوصی نمائندے بھی شرکت کر رہے ہیں۔
