جمعے کو محفوظ حیاتیاتی کروں کا عالمی دن منایا گیا اور اس موقع پر شہروں سے لے کر گھاس کے وسیع میدانوں اور پہاڑی چوٹیوں سے ساحلی جنگلات تک دنیا میں ایسے 748 مقامات کے تنوع اور ماحول دوست عالمی مستقبل میں ان کے کردار کی اہمیت کا اعتراف کیا گیا۔
پاکستان میں غیرقانونی طور پر مقیم غیرملکیوں کو واپسی کا حکم دیے جانے کے بعد ایک لاکھ 60 ہزار سے زیادہ افغان پناہ گزین ملک چھوڑ چکے ہیں جبکہ اقوام متحدہ نے ملک بدر کیے جانے والے افغان بچوں اور خاندانوں کے تحفظ پر گہری تشویش کا اظہار کیا ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ مصنوعی ذہانت (اے آئی) کی عالمگیر نگرانی کے معاملے میں انسانی حقوق کا مکمل احترام یقینی بنایا جائے اور اس حوالے سے اقوام متحدہ کے چارٹر کے بنیادی اصولوں کو مدنظر رکھا جانا چاہیے۔
اقوام متحدہ کے ماحولیاتی ادارے (یو این ای پی) کی رپورٹ میں بتایا گیا ہے کہ موسمیاتی تبدیلی کے اثرات اور اس سے لاحق خطرات سے نمٹنے کی فوری ضرورت کے باوجود موسمیاتی موافقت پر پیش رفت سست روی کا شکار ہے۔
چالیس سالہ رحمان جان چمن کے قندھاری بازار میں پھل سبزیوں کا ٹھیلہ لگاتے ہیں۔ ان کا تعلق افغانستان کے صوبہ قندھار سے ہے۔ وہ اکتوبر 2021 میں ہجرت کرکے پاکستان آئے اور چمن کی بستی حاجی گل شاہ میں رہنے لگے جہاں ان کے چند رشتہ دار تقریباً 35 سال سے مقیم ہیں۔ پچھلے دو سال انہوں نے اس خوف میں گزارے ہیں کہ کہیں انہیں پاکستان سے بے دخل نہ کر دیا جائے اور اب ان کا یہ خدشہ یقین میں بدلنے لگا ہے۔
اقوام متحدہ کے امدادی اداروں نے کہا ہےکہ غزہ بچوں کا "قبرستان" بن گیا ہے جہاں اسرائیل کی بمباری میں کم از کم 3,450 بچے ہلاک ہو گئے ہیں اور تقریباً 1,000 لاپتہ ہیں جن کے بارے میں خدشہ ہےکہ وہ ملبے تلے دبے ہیں یا مدد نہ ملنے کے باعث زندہ نہیں رہے۔
غزہ میں جنگ بندی پر اتفاق رائے کی چار ناکام کوششوں کے بعد اقوام متحدہ کی سلامتی کونسل کا ایک اور ہنگامی اجلاس سوموار کو معنقد ہوا جس میں ارکان کو بتایا گیا کہ اسرائیل کی متواتر بمباری اور زمینی حملے کے بعد علاقے میں حالات انتہائی خطرناک صورت اختیار کر گئے ہیں۔
پاکستان کی 80 فیصد سے زیادہ زرعی اراضی کو سیراب کرنے والے دریائے سندھ کے قدرتی ماحول کو موسمیاتی تبدیلی اور آلودگی سے لاحق سنگین خطرات کے بارے میں آگاہی بیدار کرنے کی ایک منفرد مہم چلائی جا رہی ہے جس میں سکولوں کے طلبہ کا کردار نمایاں ہے۔
غزہ کو درکار انتہائی ضروری امداد کی فراہمی کا آغاز ہوتے ہی حقائق پر جنگ بھی شروع ہو گئی ہے اور علاقے کی صورت حال کے بارے میں سوشل میڈیا پر متضاد بیانیوں کا زوروشور سے پھیلاؤ جاری ہے۔
اقوام متحدہ کے دفتر برائے انسانی حقوق (او ایچ سی ایچ آر) نے پاکستان میں غیرقانونی طور پر مقیم غیرملکیوں کو واپس بھیجے جانے کے فیصلے پر تشویش کا اظہار کرتے ہوئے کہا ہے کہ اس سے ملک میں 14 لاکھ افغان پناہ گزین غیرمتناسب طور سے متاثر ہوں گے۔
