موسمیاتی تبدیلی پر بین الحکومتی پینل کے نئے اجلاس کے آغاز پر اقوام متحدہ کے سیکرٹری جنرل نے اپنے پیغام میں کہا ہے کہ عالمی حدت میں فوری کمی لانے کے لیے دنیا کے رہنماؤں کو ٹھوس سائنسی رہنمائی پر دھیان دینا اور اس پر عمل کرنا ہو گا۔
اقوام متحدہ کی انسانی حقوق کونسل کے ماہرین نے شمال مغربی شام میں گزشتہ مہینے آںے والے تباہ کن زلزلوں سے متاثرہ لوگوں کو مدد کی فراہمی کے لیے شام کی حکومت اور اقوام متحدہ سمیت عالمی برادری کے کردار کا انتہائی تنقیدی جائزہ پیش کیا ہے۔
اقوام متحدہ نے جمعے کو مسلمانوں کے خلاف تعصب سے نمٹںے کے لیے پہلا عالمی دن منایا۔ اس موقع پر جنرل اسمبلی میں ایک خصوصی اجلاس ہوا جس میں مقررین نے مسلمانوں کے خلاف بڑھتی نفرت، امتیاز اور تشدد کو روکنے کے لیے ٹھوس اقدامات اٹھانے پر زور دیا۔
اقوام متحدہ نے آنے والی نسلوں کے لیے عالمی برادری کے وعدوں کی تکمیل اور یہ یقینی بنانے کے لیے نئے پالیسی اقدامات شروع کیے ہیں کہ دنیا کووڈ۔10 وبا جیسے ''پیچیدہ دھچکوں'' سے موثر طور پر نمٹنے کے لیے تیار ہو۔
کابل میں تعینات اقوام متحدہ کی اعلیٰ عہدیدار نے سلامتی کونسل کو بتایا ہے کہ طالبان کے اقتدار میں افغانستان ''دنیا میں خواتین کے حقوق کے حوالے سے جابر ترین ملک'' بن گیا ہے۔ اس کے باوجود ان کا کہنا تھا کہ وہاں کے حکمرانوں کے ساتھ رابطہ قائم رکھنا ضروری ہے۔
اقوام متحدہ کے سیکرٹری جنرل نے یوکرین کے دارالحکومت کیئو میں صدر وولودیمیر زیلنسکی کو یقین دلایا ہے کہ اقوام متحدہ ''یوکرین کے لوگوں اور دنیا کے لیے مسائل کے حل اور منصفانہ امن کی جستجو جاری رکھے گا۔''
اقوام متحدہ میں امور محنت کے ماہرین نے کہا ہے کہ تقریباً دو دہائیوں میں روزگار تک خواتین کی رسائی، ان کے ملازمتی حالات اور اجرتوں میں صںفی بنیاد پر دائمی فرق سے متعلق دنیا بھر کی صورتحال میں بمشکل ہی کوئی بہتری آئی ہے۔
قطر کے دارالحکومت دوحہ میں کم ترقی یافتہ ممالک پر جاری اقوام متحدہ کی کانفرنس میں سوموار کو امیر اور غریب ممالک کے مابین وسیع ڈیجیٹل تقسیم کو کم کرنے کے عالمگیر مسئلے پر توجہ مبذول کی گئی ہے۔
اقوام متحدہ کے سیکرٹری جنرل نے رکن ممالک کو قومی دائرہ اختیار سے پرے سمندری حیاتیاتی تنوع کا تحفظ اور پائیدار استعمال یقینی بنانے کے معاہدے کو حتمی شکل دینے پر مبارک پیش کرتے ہوئے اسے بیس سالہ مذاکرات کے بعد اہم پیش رفت قرار دیا ہے۔
میانمار میں روہنگیا پناہ گزینوں کے لیے خوراک کی راشن بندی شروع ہونے پر حقوق سے متعلق اقوام متحدہ کے ایک اعلیٰ سطحی ماہر نے عالمی برادری پر زور دیا ہے کہ وہ آگے بڑھے اور اس پالیسی کو تبدیل کرے جو ان لوگوں کے لیے ''زندگی اور موت'' کا معاملہ ہے۔
