Baraza la Usalama chini ya uraisi wa Marekani kwa mwezi Juni, Alkhamisi linasailia na kujadilia suala la kukomesha vitendo karaha vya kunajisi wanawake kimabavu, kwenye mazingira ya uhasama na mapigano. Mwenyekiti wa kikao hiki cha hadhi ya juu ni Waziri wa Mambo ya Nje wa Marekani, Condoleezza Rice.

Katika makala zilizopita tulijadilia juhudi za za kuondosha umasikini za wanakijiji wa Mbola, na pia kuelezea ushirikiano walionao na wataalamu wa kitaifa, na kimataifa, kwa makusudio ya kuwasilisha mafanikio ya muda mrefu kwenye eneo lao, mafanikio ambayo yatafaidisha umma, kijumla.~~

Wiki hii Naibu KM Asha-Rose Migiro alipata fursa ya kuzungumzia suala la udhalilishaji wa kijinsia, kwenye mkutano maalumu uliotayarishwa mjini New York na Halmashauri ya Mataifa ya Ulaya pamoja na Ubalozi wa San Marino katika UM. Kwenye risala alioitoa mbele ya kikao hicho NKM Migiro alihimiza kuchukuliwe hatua za pamoja, kukomesha haraka tabia ya utumiaji nguvu na mabavu dhidi ya wanawake, hatua ambayo ikikamilishwa, alitilia mkazo, itawavua wanawake na mateso hayo maututi.~