Jukwaa la kusongesha biashara ya nje, WEDF18 ingawa limefunga pazia huko Lusaka, Zambia, wafanyabiashara wanaendelea kuhaha kusaka taarifa za kupata bidhaa bora ili kuimarisha masoko yao ya nje.
Mwendazake Kofi Annan, azikwa leo huko Ghana, Katibu Mkuu Antonio Guterres afunguka. Keating ahitimisha jukumu lake Somalia apazia sauti vyombo vya kimataifa vya habari. Kutoka Zambia baada ya jukwaa, wajasiriamali sasa kuhaha na serikali zao ili kukuza biashara ya nje. Na makala leo tunabisha hodi Uganda kunani? Na mashinani ni maoni yako kutoka Facebook kuhusu Kofi Annan. Karibu na mwenyeji wako leo ni Anold Kayanda
Wajasiriamali walioshiriki jukwaa la kimataifa la kuendeleza biashara ya nje, WEDF2018 nchini Zambia wamesema kilichobakia sasa baada ya kupata stadi na hamasa, ni kuhamasisha serikali zao kuondoa vikwazo wanavyokumbana navyo wakati wa kuuza bidhaa zao nje ya nchi.
Jukwaa la kimataifa la kuchagiza biashara ya nje likikunja jamvi hii leo huko Lusaka nchini Zambia, kijana mmoja mjasiriamali kutoka Gambia ameelezea jinsi ambayo ameweza kukuza biashara yake ya karanga kutoka uchuuzi wa barabarani hadi kusafirisha nje ya nchi.
Hii leo jaridani Anold Kayanda anaanzia kwenye makao makuu ya Umoja wa Mataifa jijini New York, Marekani ambako Baraza la Usalama limejadili jinsi ya kuimarisha ulinzi wa amani hususan usaizidi kwa nchi zinazochangia walinda amani. Ni kwa muktadha huo mkuu wa operesheni na mafunzo wa Jeshi la wananchi wa Tanzania, JWTZ amezungumza na Idhaa hii kuona kile ambacho Tanzania inataka kuona kinafanyika.
Jukwaa la kimataifa la uendelezaji wa biashara ya nje, WEDF limeanza leo huko Lusaka, mji mkuu wa Zambia likileta pamoja viongozi wa serikali na wafanyabiashara kwa lengo la kufungua milango ya biashara ya nje duniani.
Miongoni mwa washiriki ni Beatrice Nyatando, kutoka Zambia, mbunifu mitindo mbobezi ambaye amegeukia biashara ya kuokota chupa zilizotupwa ziwe za plastiki au za kupasuka na kuzigeuza mapambo.
Akihojiwa na Stella Vuzo wa Umoja wa Mataifa kando mwa jukwaa hilo, Bi. Nyantando ambaye sasa anauza chupa moja kwa dola tano amesema..
Jukwaa la kimataifa la uendelezaji wa biashara ya nje, WEDF limeanza leo huko Lusaka, mji mkuu wa Zambia likileta pamoja viongozi wa serikali na wafanyabiashara kwa lengo la kufungua milango ya biashara ya nje duniani.
Kituo cha kimataifa cha biashara, ITC leo kimezindua tawi lake nchini Zambia na hivyo kutoa fursa ya kuunganisha wanawake wajasiriamali nchini humo na wenzao duniani kote.