watoto

Watoto 4500 wamepoteza maisha kutokana na surua DRC:UNICEF

Shirika la Umoja wa Mataifa la kuhudumia watoto UNICEF limetaka mkazo utolewe pia kukabiliana na ugonjwa wa surua ambao linasema unaua idadi kubwa ya watoto wa chini ya umri wa miaka mitano kuliko hata Ebola nchini Jamhuri ya Kidemokrasia ya Congo DRC. 

Akiwa Sierra Leone, Ishmael aona moyo wa dhati wa wahudumu wa afya kunusuru uhai wa mtoto

Balozi mwema wa shirika la Umoja wa Mataifa la kuhudumia watoto, UNICEF, Ishamael Beah ametaka hatua zaidi zichukuliwe ili kulinda uhai wa watoto hususan wale wanaozaliwa njiti. 

Kila saa 1 watoto na barubaru 13 wanafariki dunia, kisa? UKIMWI, UNICEF yataka hatua zaidi.

Watoto na barubaru zaidi ya 300 hufariki dunia kila siku , sawa na 13 kila saa kwa sababu zinazohusiana na masuala ya ukimwi, na nusu tu ndio wanaopata matibabu ya kupunguza makali ya ukimwi, imesema ripoti mpya iliyotolewa leo na shirika la Umoja wa Mataifa la kuhudumia Watoto UNICEF.

Mtoto Salma kutoka Lindi Tanzania anatambua haki za mtoto

Mkataba wa kimataifa wa  haki za mtoto CRC ambao mwaka huu umetimiza miaka 30 tangu  upitishwe na Baraza Kuu la Umoja wa Mataifa, unataja bayana haki kuu nne za msingi ambazo kile mtoto, yaani mkazi wa dunia mwenye umri wa miaka 18 au chini ya hapo anapaswa kuzipata awe wa kike au wa kiume.

Shambulio la makombora lasababisha raia 12 kuuawa Idlib, Syria UN yataka uchunguzi ufanyike

Mzozo nchini Syria unaendelea kuua na kujeruhi raia huku ripoti zikisema  ufyatuaji wa makombora kwenye kwa makazi ya watu wanaokimbia machafuko katika maeneo ya kaskazini magharibi siku ya  Jumatano usiku, umesababisha watu 12 kupoteza maisha na makumi wengine ikiwemo watoto kujeruhiwa, yamesema mashirika ya Umoja wa Mataifa ya misaada ya kibinadamu hii leo.

Mataifa yaendelea kutilia mkazo utekelezaji wa haki za mtoto

Mataifa kadhaa hii leo Jumatano mjini Geneva Uswisi yameuuthibitishia ulimwengu ahadi yao ya kuboresha ulinzi wa haki za watoto wakati wa changamoto zinazotisha ikiwa ni pamoja na ubaguzi, vurugu, unyonyaji na umasikini.

Watoto wanatambua haki zao wanachotaka wao ni kwamba zizingatiwe

Katika kuadhimisha siku hii ya kimataifa ya mtoto, inayokwenda sambamba na maadhimisho ya miaka 30 tangu kupitishwa kwa mkataba wa kimataifa wa mtoto, CRC ambao Tanzania imeridhia na hata kutunga sheria ya mtoto, Idhaa ya Kiswahili ya Umoja wa Mataifa kupitia radio washirika wake imekusanya maoni ya watoto wakiulizwa iwapo wanafahamu haki zao?

Miaka 30 ya CRC tuhakikishe kila mtoto anapata kila haki- Guterres

Leo ni siku ya mtoto duniani ambapo Umoja wa Mataifa umetaka hatua zichukuliwe kila pahali ulimwenguni ili kila mtoto popote pale alipo aweze kupata haki zake za msingi za kuishi, kuendelezwa, kushiriki na kulindwa.

Kila sekunde 39 mtoto 1 hupoteza maisha kutokana na kichomi:UNICEF 

Ugonjwa unaozuilika wa kichomi unakatili maisha ya watoto  wengi kuliko maradhi mengine yoyote kwa mujibu wa taarifa ya utafiti mpya iliyotolewa leo na mashirika matano ya kimataifa yanayohusika na masuala ya watoto likiwemo la Umoja wa Mataifa la UNICEF. 

Ukosefu wa msaada waongeza kiwewe kwa wakimbizi na wahamiaji watoto waliotimiza umri wa utu uzima Italia- Ripoti

Takribani wakimbizi na wahamiaji watoto 60,000 waliowasili  nchini Italia bila wazazi ama walezi kati yam waka 2014 na 2018 ambao sasa wametimiza umri wa miaka 18 wanahitaji msaada endelevu ili waweze kumudu kipindi cha mpito cha kuwa watu wazima.