Mwaka 2017 umefikia ukingoni! Kwa Umoja wa Mataifa mwaka huu ulianza na uongozi mpya wa Katibu Mkuu Antonio Guterres akiwa amepokea kijiti na kusema bayana kuwa hali si shwari.
Katika ajenda ya maendeleo endelevu SDGs ya mwaka 2030, lengo namba 3 la afya bora kwa kila mtu, limekuwa changamoto kubwa sana hasa kwa nchi za Afrika zilizoko kusini mwa jangwa la sahara.
Shirika la mpango wa chakula duniani WFP, limefurahishwa na hatua ya malori yake 30 yaliyosheheni chakula na misaada mingine ya kibinadamu kufika mji wa Aweil nchini Sudani Kusini. Assumpta Massoi na maelezo zaidi.
