wakimbizi

Watoto 275 wanajikuta  Mexico kila siku wakisubiri kuingia Marekani:UNICEF 

Tangu kuanza kwa mwaka 2021 idadi ya watoto wahamiaji wanaowasili Mexico wakisubiri kuingia nchini Marekani imeongezeka kwa kasi kutoka watoto 380 hadi karibu watoto 3500 amesema mkurugenzi wa kanda ya Amerika Kusini na Caribbea wa shirika la Umoja wa Mataifa la kuhudumia Watoto UNICEF.

Vita vinavyoendelea Syria vimehuisha talanta yangu ya Sanaa:Mkimbizi Akram 

Msanii mkimbizi Akram Safvan kutoka Syria hadithi yake ni ya machungu, uvumilivu na matumaini. Baada ya vita kuzuka nchini mwake aliacha kila kitu na kukimbilia Uturuki na familia yake ambako sasa amejenga maisha mapya na kuponya machungu ya vita kupitia kazi ya sanaa ya uchongaji.

Sababu ya COVID-19 Ramadan mwaka huu itakuwa ngumu sana kwangu: Mkimbizi Anna 

Wakati Waislam kote duniani wakiwa wameanza mfungo wa mwezi mtukufu wa Ramadhani, kutana na mkimbizi Anna anayeishi kwenye kambi ya wakimbizi ya Mbera nchini Mauritania, anasema anashukuru mwezi mtukufu umeanza salama, lakini utakuwa mgumu sana kwake na familia yake kutokana na janga la corona au COVID-19.

Sasa ni mbio za kupata medali Tokyo badala ya mbio za kujinusuru- UNHCR 

Kuelekea michezo ya majira ya joto ya olimpiki mwaka 2020 itakayofanyika huko Tokyo Japan kuanzia mwezi Julai mwaka huu, shirika la Umoja wa Mataifa la kuhudumia wakimbizi, UNHCR limezindua kampeni ya #TheJourney au safari kwa ajili ya kusaidia timu ya wanamichezo wakimbizi watakaoshiriki mashindano hayo na yale ya watu wenye ulemavu

Chonde chonde Kenya hakikisheni uamuzi wowote kuhusu wakimbizi ni suluhu muafaka na endelevu:UNHCR  

Shirika la Umoja wa Mataifa la kuhudumia wakimbizi UNHCR limeisihi serikali ya Kenya kuhakikisha kwamba maamuzi yoyote itakayofanya kuhusu kambi za wakimbizi zilizoko nchini humo yanakuwa ni suluhu endelevu kwa wakimbizi hao.

Alphonso Davies msakata gozi wa Bayern FC  atangazwa kuwa balozi mwema wa UNHCR

Kutana na balozi mwema mpya wa shirika la Umoja wa Mataifa la kuhudumia wakimbizi UNHCR, si mwingine bali ni mwana kaandanda nyota Alphonzo Davies, anayesakata gozi kwenye timu ya FC Bayern Munich ya Ujerumani lakini pia ni mchezaji wa timu ya taifa ya Canada. Ametangazwa leo kufuatia mchango wake mkubwa kwa wakimbizi.

UNHCR na wadau wa misaada wazindua ombi la dola bilioni 1.2 kusaidi wakimbizi wa Sudan Kusini

Shirika la Umoja wa Mataifa la kuhudumia wakimbizi UNHCR, na wadau wake wa misaada wamezindua ombi la dola za Marekani bilioni 1.2 kwa ajili ya msaada muhimu wa kibinadamu kwa zaidi ya wakimbizi milioni 2.2 wa Sudan Kusini, theluthi mbili wakiwa ni watoto.

Miaka 10 ya vita Syria nusu ya raia wote wamekimbia makwao 

Ilikuwa siku, wiki, miezi na sasa imeshatimia miaka 10 tangu kuzuka vita nchini Syria na shirika la Umoja wa Mataifa la kuhudumia wakimbizi UNHCR linasema nusu ya raia wa nchi hiyo wamelazimika kufungasha virango na kukimbia huku jinamizi la vita hivyo likiendelea kuwaandama.

Chondechonde tuwanusuru wakimbizi na wahamiaji wanaolazimika kuvuka Mediterrania:UNHCR 

Wakati zahma zikiongezeka Afrika Kusini mwa jangwa la Sahara na kuwalazimisha mamilioni ya watu kufungasha virago, shirika la Umoja wa Mataifa la kuhudumia wakimbizi UNHCR limetoa raia ya kuongeza juhudi za kuwasaidia wakimbizi na wahamiaji hasa wanaobidi kupitia njia hatari kwenye bahari ya Mediterrania kwenda kusaka mustakbali bora.

Maelfu waendelea kufungasha virago CAR na kuingia Cameroon kusaka usalama:UNHCR

Watu zaidi ya 5,000 wamefungasha virago siku za karibuni wakikimbia mashambulizi ya waasi nchini Jamhuri ya Afrika ya Kati CAR hasa kwenye mji wa Magharibi wa Bouar na kuingia nchi jirani ya Cameroon kusaka usalama, limesema shirika la Umoja wa Mataifa la kuhudumia wakimbizi UNHCR.