wakimbizi

Wakimbizi 29 kushiriki michuano ya Olimpiki Tokyo Japan mwaka huu:UNHCR 

Kamati ya kimataifa ya Olimpiki IOC imetangaza ushiriki wa timu ya wakimbizi 29 katika mashindando ya Olimpiki yatakayofanyika Tokyo Japan mwezi ujao.

Taka ngumu ikiwemo plastiki ni mtihani mkubwa Cox's Bazar, IOM yachukua hatua

Udhibiti wa taka ngumu ikiwemo za plastiki ni changamoto kubwa katika kambi ya wakimbizi wa Rohingya ya Cox’s Bazar nchini Bangladesh, na hasa kwa kuzingatia kwamba kambi hiyo ina msongamano na hakuna shemu maalum ya kutupa limesema shirika la Umoja wa Mataifa la uhamiaji IOM ambalo  sasa limepata dawa mujarabu. Je ni ipi hiyo? Ungana na Flora Nducha 

Programu ya rafiki imenipa ujasiri niliohitaji kuanza maisha mapya Ubelgiji:Mkimbizi Marie-Reine

Kutana na mkimbizi Marie-Reine kutoka Jamhuri ya Afrika ya Kati CAR, ambaye sasa amepata hifadhi na anaishi Namur nchini Ubeligiji. Alipowasili hakujua yeyote na wala wapi pa kuanzia ili kuweza kujikimu katika nchi ya tatu ugenini, lakini kupitia program ya shirika la Umoja wa Mataifa la kuhudumia wakimbizi UNHCR ijulikanayo kama “Rafiki” ambayo ni ya muongozo wa kukuza stadi na ujuzi ili kuwasaidia wakimbizi na waomba hifadhi, Marie-Reine amefungua ukurasa mpya wa maisha yake.

UNHCR imeturejeshea matumaini ya maisha: mkimbizi Muhammad toka Eritrea 

Shirika la Umoja wa Mataifa la kuhudumia wakimbizi UNHCR limerejesha matumaini ya maisha kwa wakimbizi kutoka Eritrea Muhammed na mkewe Mariam ambao baada ya kupitia milima na mabonde kwa zaidi ya miaka 10 ukimbizini sasa wako tayari kwenda kuanza upya maisha nchini nchini Uholanzi kupitia mpango wa shirika hilo wa kuwapa makazi ya kudumu wakimbizi katika nchi ya tatu.

Nchi yako ni kama mama na kujitenga nayo ni mtihani:Mkimbizi Donatien

Kutana na Donatien, mkimbizi wa Burundi aliyeishi Rwanda kwa muda wa miaka 4 na sasa amerejea nyumbani na familia yake kupitia mpango wa shirika la Umoja wa Mataifa la kuhudumia wakimbizi UNHCR wa kurejesha nyumbani wakimbizi kwa hiyari. Donatien anaeleza ni kwa nini yeye mkewe na wanawe wawili wamekata shauri la kurudi nyumbani. 

UNHCR yataka msaada zaidi kwa warundi wanaorejea nyumbani Burundi

Akihiiitmisha ziara ya siku mbili nchini Burundi, Kamishna Mkuu wa Shirika la Umoja wa Mataifa la kuhudumia wakimbizi, UNHCR, Filippo Grandi, amepongeza juhudi zilizofanywa kusaidia wakimbizi kupata suluhu ya muda mrefu katika taifa  hilo ambalo ni kiini cha ukanda wa Maziwa Makuu. 

Je unawezaje kuanza upya maisha ukiwa umepoteza kila kitu:Mkimbizi Fidel

Kutana na mkimbizi Fidel kutoka Jamhuri ya Afrika ya Kati CAR ambaye hivi sasa anaishi kwenye kambi ya wakimbizi nchini Jamhuri ya Kidemokrasia ya Congo DRC. Fidel alipoteza kila kitu ikiwa ni pamoja na mwanaye wa kiume machafuko yaliposhika kasi CAR na ikamlazimu kufungasha virago na kukimbia, sasa anajaribu kujenga upya maisha yake ukimbizini.

Watoto 275 wanajikuta  Mexico kila siku wakisubiri kuingia Marekani:UNICEF 

Tangu kuanza kwa mwaka 2021 idadi ya watoto wahamiaji wanaowasili Mexico wakisubiri kuingia nchini Marekani imeongezeka kwa kasi kutoka watoto 380 hadi karibu watoto 3500 amesema mkurugenzi wa kanda ya Amerika Kusini na Caribbea wa shirika la Umoja wa Mataifa la kuhudumia Watoto UNICEF.

Vita vinavyoendelea Syria vimehuisha talanta yangu ya Sanaa:Mkimbizi Akram 

Msanii mkimbizi Akram Safvan kutoka Syria hadithi yake ni ya machungu, uvumilivu na matumaini. Baada ya vita kuzuka nchini mwake aliacha kila kitu na kukimbilia Uturuki na familia yake ambako sasa amejenga maisha mapya na kuponya machungu ya vita kupitia kazi ya sanaa ya uchongaji.

Sababu ya COVID-19 Ramadan mwaka huu itakuwa ngumu sana kwangu: Mkimbizi Anna 

Wakati Waislam kote duniani wakiwa wameanza mfungo wa mwezi mtukufu wa Ramadhani, kutana na mkimbizi Anna anayeishi kwenye kambi ya wakimbizi ya Mbera nchini Mauritania, anasema anashukuru mwezi mtukufu umeanza salama, lakini utakuwa mgumu sana kwake na familia yake kutokana na janga la corona au COVID-19.