wakimbizi

Majira ya baridi yameanza Lebanon wakimbizi wahaha huku ukata ukizidisha adha:UNHCR 

Maelfu ya wakimbizi nchini Lebanon sasa wanaanza kuhaha kwani majira ya baridi yamewadia na kila mwaka huwapa changamoto kubwa lakini mwaka huu madhila yanatarajiwa kuongezeka kutokana na mgogoro wa kiuchumi na mfumoko wa bei ulioanza Oktoba mwaka 2019 ambao sasa umefikia asilimia 174. Yote haya yanamanisha fedha na msaada wanaopewa na shirika la Umoja wa Mataifa la kuhudumia wakimbizi UNHCR hautokidhi mahitaji.

Mume wangu na wanangu 4 waliuawa napata faraja kwa kuwasaidia wanawake wengine:Sabuni Chikunda

Tukiwa bado na siku 16 za harakati za kupinga uakatili wa kijinsia dhidi ya wanawake, leo tunamulika mwanaharakati wa haki za binadamu kutoka Jamhuri ya Kidemokrasia ya Congo DRC , Francoise Sabuni Chikunda ambaye amepitia madhila yasiyoelezeka, ikiwemo kubakwa na hata familia yake kuuawa, lakini yote hayo hayakumkatisha tamaa bali yamempa ujasiri wa kuwa nuru ya wanawake wakimbizi wenzake katika makazi ya wakimbizi ya Nakivale nchini Uganda.

Miaka yote tuliyofanya kazi imepotea bure, tumepoteza kila kitu:Wakimbizi wa Ethiopia 

Maelfu kwa maelfu ya wakimbizi wa Ethiopia kutoka jimbo la Tigray wanaokimbilia Sudan kunusuru maisha yao, wanapitia madhila mengi ikiwa ni pamoja na kupoteza wapendwa wao na kutojua mustakabali wao limesema shirika la Umoja wa Mataifa la kuhudumia wakimbizi UNHCR.

Wakimbizi kutoka Tigray Ethiopia waendelea kumiminika Sudan:UNHCR 

Shirika la Umoja wa Mataifa la kuhudumia wakimbizi UNHCR limesema mgogoro unaoendelea katika jimbo la Tigray Kaskazini mwa Ethiopia unazidi kuwa mbaya na kuwalazimisha maelfu ya watu kufungasha virago na kukimbilia nchi jirani ya Sudan nusu yao wakiwa ni watoto  hadi kufikia leo raia 27,000 wamewasili Sudan katika maeneo mbalimbali.

Maisha mapya Hispania ni kutimiza ndoto yangu na familia yangu:Mkimbizi Ghaith 

Kutana na mtoto mkimbizi kutoka Syria na familia yake wanaoishi nchini Lebanon, ambao mpango wa shirika la umoja wa Mataifa la kuhudumia wakimbizi UNHCR wa kuwapeleka wakimbizi nchi ya tatu unawapa fursa ya kwenda kuishi Hispania, hatua wanaiona ni mwanya wa kutimiza ndoto ya muda mrefu. Kulikoni?

Kiu ya watoto kutaka kusoma imenipa nguvu ya kufundisha wakati wa COVID-19:Aylin Tufan 

Kutana na mwalimu kutoka nchini Uturuki anayesema janga la corona au COVID-19 lilimvunja moyo na kumkatisha tamaa, lakini ari ya wanafunzi wake ambao asilimia kubwa ni wakimbizi kutoka kutoka Syria ilimpa nguvu ya kuendelea kufundisha.

UNHCR kuendeleza huduma licha wadau wake wa kibinadamu kufungiwa Uganda

Shirika la Umoja wa Mataifala Kuhudumia wakimbizi, UNHCR nchini Uganda limesema linajitahidi kuhakikisha kwamba hatua ya serilkali ya kuyasimamisha mashirika ya misaada yasiyo ya kiserikali 208 nchini humo kwa kutokidhi vigezo vya sheria kuhudumia wakimbizi , haiathiri utoaji wa huduma kwa wakimbizi hao.

Kuwa mkimbizi bila kazi Lebanon ni mtihani mkubwa: Mkimbizi Ibrahim

Kutana na mkimbizi Khalili Ibrahim kutoka Syria ambaye ajali na athari za janga la corona au COVID-19 ilimlazimisha kumwachisha binti yake shule ili afanye kazi.

Mamilioni ya wakimbizi Afrika Mashariki wako njia panda baada ya mgao wa chakula kukatwa:WFP

Njaa kubwa na utapiamlo vinawanyemelea mamilioni ya wakimbizi Afrika Mashariki baada ya mgao wa chakula wanaoutegemea kutoka kwa shirika la Umoja wa Mataifa la mpango wa chakula duniani WFP kupunguzwa zaidi.

Machafuko yanayoendelea yawafungashaa virago watu milioni 1 Burkina Faso:UNHCR

Machafuko yanayoendelea kushika kasi nchini Burkina Faso sasa yamewalazimisha zaidi ya watu milioni moja kufungasha virago na kuzikimbia nyumba zao kwa mujibu wa takwimu zilizotolewa na serikali limesema shirika la Umoja wa Mataifa la kuhudumia wakimbizi UNHCR.