Katibu mkuu wa Umoja wa Mataifa Antonio Guterres amempongeza kiongozi wa kanisa katoliki duniani Papa Francis kwa kupunguza madhila kwa watu na kutetea hadhi ya haki za binadamu.
Katibu mkuu wa Umoja wa Mataifa Antonio Guterres amempongeza kiongozi wa kanisa katoliki duniani Papa Francis kwa kupunguza madhila kwa watu na kutetea hadhi ya haki za binadamu.
Katika siku ya tatu ya ziara yake nchini New Zealand , Katibu Mkuu wa Umoja wa Mataifa Antonio Guterres ametoa heshima zake kwa waathirika wa shambulio la kikatili kwenye misikiti mjini Christchurch ambako waislam zaidi ya 50 walipigwa risasi na kuuawa katika matukio mawili tofauti Ijumaa ya Machi 15 mwaka huu.
Mfungo wa mwezi mtukufu wa Ramadhani ukianza tarehe 5 mwezi huu, Kamishna Mkuu wa shirika la Umoja wa Mataifa la kuhudumia wakimbizi,UNHCR Filippo Grandi ametoa salamu za kuwatakia waumini wa dini ya kiislamu mfungo mwema akisema kuwa mwezi huu mtukufu unakuja wakati ambao kunashuhudiwa mazingira magumu zaidi.
Mauritania imetakiwa kuangalia upya ibara ya 306 ya kanuni ya adhabu inayotaka muumini wa dini ya kiislamu ahukumiwe kifo iwapo atapatikana na hatia ya kumkashifu Mungu au kukana dini.
Kitendo cha kushindwa kuwafikia watoto wa kabila la Rohingya ambao bado wamesalia nchini Myanmar kinatutia shaka kubwa kwa kuwa wanaishi kwenye mazingira ya kusitikisha.
Limesema shirika la Umoja wa Mataifa la kuhudumia watoto, UNICEF hii leo kufuatia ziara ya msemaji wake huko jimbo la Rakhine nchini Myanmar hivi karibuni.
Marixie Mercado amesema watoto wapatao 60,000 wamenasa kwenye kambi dhalili katikati mwa jimbo hilo la Rakhine wakiwa katika hali mbaya huku ulimwengu ukielekeza zaidi usaidizi wake kwa wakimbizi 655,000 ambao wameingia Bangladesh.
Kitendo cha kushindwa kuwafikia watoto wa kabila la Rohingya ambao bado wamesalia nchini Myanmar kinatutia shaka kubwa kwa kuwa wanaishi kwenye mazingira ya kusitikisha.
