Leo tarehe 2 Aprili ni Siku ya Uelewa wa kuhusu Usonji Duniani. Katika tarehe hii, Umoja wa Mataifa huadhimisha michango ya watu wanaoishi na usonji na ulinzi wa haki za kujumuishwa kwa kila mmoja wao.
Jaridani Aprili 4, 2022 na Leah Mushi
-Karibu watu wote duniani, asilimia 99 wanavuta hewa isiyo salama iliyopita viwango vya ubora wa hewa vilivyowekwa na shirika la afya la Umoja wa Mataifa WHO na hivyo kutishia afya zao.
-Katibu Mkuu wa Umoja wa Mataifa Antinio Guterres leo ameonya kwamba dunia inaelekea pabaya linapokuja suala la mabadiliko ya tabianchi ,na ni suala la aibu linaloambatana na ahadi hewa zinazomuweka kila mtu kwenye hatari ya zahma kubwa.
Kutana na Elly Kitali, mama wa watoto wawili, ambaye ameamua kuweka kando taaluma yaka ili kumleta mtoto wake wa kiume aitwaye Chadron. Chadron ana changamoto zaidi ya moja ya kiafya; usonji na ugonjwa unaoathiri uwezo wa mtu kujifunza au Down Syndrome.
Leo ni siku ya kimataifa ya uelimishaji kuhusu usonji na Umoja wa Mataifa unasisitiza haja ya kuwajumuisha watu wenye ulemavu ikiwemo wenye usonji ili kutimiza azma ya Malengo ya Maendeleo Endelevu SDGs ya kutomuacha yeyote nyuma.
Siku ya usonji duniani huadhimishwa tarehe 2 Aprili kila mwaka tangu mwaka 2007.
Kuelekea maadhimisho ya kuelimisha jamii kuhusu usonji tarehe 02 Aprili hii leo katika mada kwa kina tunakwenda nchini Kenya katika eneo la Roysambu jijini Nairobi, kwenye shule inayofundisha Watoto wenye usonji iitwayo, Kenya Community Center for Learning.
Umoja Mataifa unataka ujumuishi wa Watoto wenye usonji ikiwa ni moja ya vipengele vya lengo namba 4 la malengo endelevu ya Umoja wa Mataifa, SDGs. Je nini kinafanyika huko, mwandishi wetu nchini Kenya, Thelma Mwadzaya ametuandalia mada hii kwa kina.
Jaridani Jumatano na Assumpta Massoi
Pombe imebainika kuwa kisababishi cha wagonjwa wapya 740,000 wa saratani au kansa kwa mwaka jana wa 2020.
Mafunzo ya kuishi na watoto wenye usonji yaleta manufaa kwa wazazi nchini Argentina.
Maelfu ya wakazi wa Khushal Khan ambayo ni moja ya viunga vya jiji la Kabul nchini Afghanstan wanafurahia hali bora ya hewa na mitaa misafi baada ya utekelezaji wa mradi mkubwa wa ukarabati wa barabara na mitaa unaosimamiwa na Benki ya Dunia.
Shirika la Umoja wa Mataifa la afya ulimwenguni WHO kwa kushirikiana na shirika la PANAACEA wanatoa mafunzo nchini Argentina ya kuwezesha watoto wenye usonji kukabiliana na changamoto za ulemavu zinazowakabili ikiwemo kuchelewa kuzungumza.
(Taarifa ya Leah Mushi)
Nchini Argentina, mtoto Gabriel na nduguze wawili wakicheza mezani wakiwa na mama yao.
Shirika la Umoja wa Mataifa la afya ulimwenguni WHO kwa kushirikiana na shirika la PANAACEA wanatoa mafunzo nchini Argentina ya kuwezesha watoto wenye usonji kukabiliana na changamoto za ulemavu zinazowakabili ikiwemo kuchelewa kuzungumza.
leo ni siku ya usonji duniani, Katibu Mkuu wa Umoja wa Mataifa Antonio Guterres ametaka harakati zozote za kujikwamua kutoka katika janga la ugonjwa wa Corona au COVID-19 ni lazima zilenge kujenga dunia inayotambua mchango wa watu wote wakiwemo watu wenye ulemavu.