Katibu Mkuu wa Umoja wa Mataifa Antonio Guterres amesema siku ya kimataifa ya ya kupambana na matumizi mabaya ya dawa za kulevya na usafirishaji haramu ya mwaka huu inaangazia athari za changamoto za dawa za kulevya katika majanga ya kiafya na kibinadamu.
Karibu kusikiliza jarida leo tunajikita katika mada kwa kina kuangazia harakati za kusongesha viwanda vidogo vidogo barani Afrika hususan nchini Tanzania, kwa kuzingatia kuwa mwishoni mwa wiki ilikuwa ni siku ya viwanda barani Afrika.
Pia utapata fursa ya kusikiliza habari kwa ufupi
Ripoti ya utafiti mpya iliyotolewa leo na ofisi ya Umoja wa Mataifa ya Madawa na Uhalifu UNODC imesema, wahamiaji ambao wanatumia mitandao ya usafirishaji haramu kukimbia nchi zao mara nyingi wanakabiliwa na ukatili wa kupindukia, mateso, ubakaji na kutekwa wakiwa njiani au wanaokoshikiliwa mateka.
Katibu Mkuu wa Umoja wa mataifa Antonio Guterres ameziasa nchi wanachama kuhakikisha zinatumia takwimu zinazotolewa na wanasayansi katika kufanya maamuzi yao ili kuokoa maisha ya wananchi wengi zaidi akitolea mfano namna sayansi ilivyoweza kuleta afueni kwenye mapambano ya janga la Corona au COVID-19.
Maxwell Matewere, mtaalamu katika ofisi ya Umoja wa Mataifa ya kuzuia uhalifu na madawa ya kulevya, (UNODC) nchini Malawi, amekuwa akiendelea na harakati zake za kukabiliana na usafirishaji haramu wa binadamu kwa zaidi ya miongo miwili. Leo hii anapatia mafunzo maafisa mbali mbali nchini Malawi kuzuia na kukabili uhalifu: mwaka huu pekee licha ya janga la Corona au COVID-19, ameweza kuokoa watu 300 waliokuwa wakumbwa na usafirishaji haramu sambamba na kukamata watu 31 wahusika wa uhalifu huo.
Umoja wa Mataifa unasaidia serikali ya Malawi kukabiliana na tatizo la usafirishaji haramu wa binadamu wakati huu ambapo ripoti zinaonesha kuwa taifa hilo la kusini mwa Afrika limegubikwa na utumikishaji wa wavulana mashambani, utumikishaji wa wasichana kwenye vilabu vya usiku ambako hulazimishwa kufanya ngono.
Ikiwa leo ni siku ya kimataifa dhidi ya usafirishaji haramu wa binadamu, Umoja wa Mataifa umepigia chepuo na kuwapongeza wafanyakazi walio mstari wa mbele kusaidia na kunasua watu waliosafirishwa kiharamu hususan wakati huu wa janga la ugonjwa wa virusi vya Corona au COVID-19.
Mapema wiki hii dunia imeadhimisha siku ya kupinga usafirishaji haramu wa binadamu huku Umoja wa Mataifa ukiutaja kama uhalifu mkubwa unaoshuhudiwa katika kila pembe ya dunia. Vita, mabadiliko ya tabicnhi,
umasikini na ubaguzi ni baadhi ya vitu ambavyo vimetajwa kuchochea wasafirishaji haramu kutumia fursa hizo kuendeleza biashara zao za kihalifu. Umoja wa Mataifa unahimiza kwamba juhudi za pamoja ni muhimu katika kusaidia kukomesha uhalifu huo na kuwaadhibu wahusika.Je nchi zinapambana vipi na uhalifu huo? namkaribisha Grace Kaneiya kwa maelezo zaidi
Ushiriki wa jamii katika nafasi mbali mbali ni muhimu ili kukabiliana na changamoto ya usafirishaji haramu wa binadamu kwa mujibu wa Umoja wa Mataifa.
Usafirishaji haramu wa binadamu ni uhalifu mbaya kabisa na unagusa kila pembe ya dunia, huku waathirika wakubwa wakiwa ni wanawake, wasichana na watoto umesema leo Umoja wa Mataifa. Arnold Kayanda na ripoti kamili.
Kwa mujibu wa takwimu zilizotolewa leo na ofisi ya Umoja wa Mataifa ya uhalifu na madawa UNODC ,katika maadhimisho ya siku ya kimataifa ya kupinga usafirishaji haramu wa binadamu, asilimia 72 ya waathirika wa uhalifu huu ni wanawake na wasichana huku idadi ya watoto waliothirika ikiongezeka mara mbili tangu mwaka 2004 hadi 2016.