UNMISS

Walinda amani wanawake toka Brazil na India watwaa tuzo ya jinsia ya UN ya 2019

Mwanamke mlinda amani kutoka Brazil anayehudumu nchini Jamhuri ya Afrika ya Kati na mlinda amani mwanamke kutoka India ambaye amehitimisha hivi karibuni jukumu lake nchini Sudan Kusini wamechaguliwa kupokea tuzo ya mwaka 2019 ya Umoja wa Mataifa ya mwanajeshi mchagizaji wa masuala ya kijinsia.

Mafanikio ya operesheni za ulinzi wa amani yanategemea mshikamano wa wanachama:Guterres

Katibu Mkuu wa Umoja wa Mataifa amesema mafanikio ya operesheni za ulinzi wa amani za Umoja wa Mataifa yanategemea mshikamano wa nchi wanachama hasa katika mchango wao na pia kupitisha maamuzi muhimu kwenye Baraza la Usalama la Umoja wa Mataifa.

Viongozi wa jamii Sudan Kusini na UNMISS walaani vurugu dhidi ya raia na walinda amani

Viongozi wa kijamii nchini Sudan Kusini wameomba radhi kwa vitendo vya ghasia vilivyofanywa na vijana waliokuwa wamelewa katika kambi ya Umoja wa Mataifa ya kulinda raia mjini Bentiu ambapo raia wawili walifariki dunia na wafanyakazi wanane wa Umoja wa Mataifa kujeruhiwa wakiwemo maafisa wa polisi watano.

Tume ya haki za binadamu imeanza ziara Sudan Kusini, Uganda, Kenya na Ethiopia

Wajumbe wa tume ya haki za binadamu ya Umoja wa Mataifa kwa  ajili ya Sudan Kusini leo wameanza ziara ya siku kumi katika nchi nne za Afrika ambazo ni Sudan Kusini, Uganda, Kenya na Ethiopia.

UN na Liberia watia saini makubaliano ya uchangiaji wa vikosi vya ulinzi wa amani.

Msaidizi wa Katibu Mkuu wa Umoja wa Mataifa kwa ajili ya operesheni za amani mashinani Atul Khare na mwakilishi wa kudumu wa Liberia katika Umoja wa Mataifa Balozi Dee-Maxwell Saah Kemayah, mjini New York  Marekani  wametia saini makubaliano ya kutambua mchango wa vikosi vya ulinzi wa amani kwa ujumbe wa Umoja wa Mataifa wa kuweka utulivu Mali, MINUSMA. Ujumbe huo wenye walinda amani 105 umekuwa ukihudumu huko Timbuktu tangu Oktoba mwaka 2016.

Raia walilengwa kwa makusudi huko Equatoria Sudan Kusini hata baada ya makubaliano mapya ya amani- Ripoti

Kipindi cha miezi minane cha makubaliano mapya ya amani nchini Sudan Kusini, kimeshuhudia mauaji  ya zaidi ya raia 100 huko eneo la kati la Equatoria nchini humo huku idadi kama hiyo hiyo ya wasichana na wanawake wakibakwa au kufanyiwa ukatili wa kingono kutokana na mapigano mapya.

UNMISS yaipiga jeki Redio ya serikali Torit ilikusambaza ujumbe wa amani

Mpango wa Umoja wa Mataifa nchini Sudan Kusini UNMISS umekabidhi paneli 46 za kuzalisha nishati ya jua au sola na vifaa vyake kwa kituo cha redio cha Torit, 97.5 FM kinachoendeshwa na serikali ili kukipa uwezo na kuboresha operesheni za matangazo yake ambayo mara nyingi yanakatika kutokana na tatizo la umeme na mafuta ya jenereta.

Tunakaribisha hatua ya bunge la Sudan Kusini kuridhia mikataba ya haki za binadamu-UN

Ofisi ya haki za binadamu ya Umoja wa Mataifa leo imekaribisha hatua ya bunge la mpito la Sudan kusini (TNLA) kuridia kwa kauli moja bila kupingwa  mikataba miwili muhimu ya haki za binadamu wiki hii.

Maonesho ya sanaa yatumika kumtetea mwanamke, Sudani Kusini.

Kwa udhamini wa ujumbe wa Umoja wa Mataifa nchini Sudani Kusini (UNMISS), wanafunzi wa Sanaa wamefanya maonesho ya kukuza uelewa kuhusu unyanyasaji wa kingono na kijinsia katika nchi yao ambayo imeghubikwa na vita kwa takribani miaka sita sasa. 

Sudan Kusini sasa ukatili wa kingono basi! Tumeaibika- Waziri Juuk

Nchini Sudan Kusini, jeshi limezindua mpango wa utekeleza wa kutokomeza kabisa ukatili wa kingono unaofanywa na askari wa jeshi hilo dhidi ya raia kwenye maeneo yenye mizozo ambapo maafisa wa ngazi ya juu wameahidi kutokomeza vitendo hivyo vilivyoshamiri tangu vita vya wenyewe kwa wenyewe vianze nchini humo mwezi Disemba mwaka 2013.