UNHCR

Mapigano Syria yasababisha mamia ya watu kukimbilia Iraq

Wakimbizi kutoka Syria wameanza kuwasili katika kambi ya Bardarash iliyoko jimbo la Duhok kaskazini mwa Iraq kufuatia mashambulizi yanayoendelea kaskazini-mashariki mwa Iraq wakati huu ambapo mashirika ya Umoja wa Mataifa yameripoti vifo pande zote kutokana na mapigano hayo.

Mafuriko maeneo ya wakimbizi Sudan Kusini yatishia huduma muhimu ikiwemo afya-UNHCR

Mafuriko yasiyotarajiwa yameathiri takriban watu 200,000 kaunti ya Maban nchini Sudan Kusini, ikiwemo wakimbizi na jamii zinazowahifadhi limesema hii leo shirika la Umoja wa Mataifa la kuhudumia wakimbizi, UNHCR.

Nitazitumia vizuri fedha ninazopewa na UNHCR, nijenge nyumba nyingine-Mkimbizi Florence

Msaada wa fedha katika makazi ya wakimbizi ya Kalobeyei nchini Kenya unawaruhusu wakimbizi kujenga nyumba zao kwa kutumia vifaa vya ujenzi wanavyovinunua kutoka kwa jamii za wenyeji kupitia programu ya Shirika la Umoja wa Mataifa la kuhudumia wakimbizi UNHCR inayowasaidia wakimbizi na wenyeji wao.

Nimeazimia kuendelea na masomo yangu hadi Chuo Kikuu kama Mungu ataruhusu-Mkimbizi Gift Maliamungu

Gift mtoto aliyejikuta peke yake nchini Jamhuri ya Kidemokrasia ya Congo, DRC baada ya kuyakimbia mapigano nchini Sudan Kusini, amefanya vizuri katika mtihani wa darasa la sita baada ya kuibuka na alama za juu katika mashindano ya tahajia za maneno lakini matarajio yake ya kuendelea na masomo ya juu yanaweza kupotea kwa kuwa hakuna nafasi za kutosha kwa wakimbizi.

Je tutaungana pamoja au tutawapa visogo wakimbizi kutatua madhila yao? -UNHCR

Suala la ulinzi wa wakimbizi ni moja ya vipaumbele vya awali kabisa vya Umoja wa Mataifa takriban miongo saba iliyopita hata hivyo, ufurushwaji wa watu bado unazua wasiwasi mkubwa kimataifa. Taarifa kamili na Arnold Kayanda

Kazi ni kazi bora mkono wende kinywani:Mkimbizi Amina

Hakuna kazi mbaya ili mradi haikulazi njaa wewe na familia yako, hiyo ni kauli ya Bi. Amina mkimbizi kutoka Syria ambaye kwa sasa anaishi kwenye kambi ya wakimbizi ya Domiz akifanya kila awezalo kulisha familia yake kwa msaada wa shirika la Umoja wa Mataifa la kuhudumia wakimbizi UNHCR. 

Ukame wawalazimu Wasomali zaidi kufungasha virago kuingia Ethiopia: UNHCR

Hali mbaya ya ukame na usalama nchini Somalia imewalazimu maelfu wa watu kuendelea kufungasha virago tena na kukimbia nchi jirani ya Ethiopia kwa mujibu wa shirika la Umoja wa Mataifa la kuhudumia wakimbizi UNHCR. 

Maandalizi ya Rwanda kuwapokea wakimbizi kutoka Libya-UNHCR

Maandalizi ya mwishomwisho yanaendelea kwenye kituo cha muda cha Gashora nchini Rwanda ambako kundi la kwanza la wakimbizi na waomba hifadhi lilitarajiwa kuwasiku juma hili. 

Hata nikikata pumzi sasa kile nimefanya kimetosha- Mshindi wa Nansen Afrika 2019

Mshindi wa tuzo ya wakimbizi ya Nansen kwa kanda ya Afrika kwa mwaka huu wa 2019 Evariste Mfaume, amesema hata siku akikata pumzi, kile ambacho ameweza kufanya kuleta utangamano kati ya wakimbizi na wananchi wa Jamhuri ya Kidemokrasia ya Congo, DRC, kitakuwa kimetosha. Tuzo hiyo ya Nansen hutolewa na shirika la kuhudumia wakimbizi duniani,  UNHCR.

Nawakirimu si kwa kuwa nina uwezo bali kwa sababu ya upendo- Marta

Baadhi ya raia wa Colombia waliofungua milango ya nyumba zao ili kukirimu raia wa Venezuela wanaokimbia madhila nchini mwao wamesema kile wanachofanya si sadaka bali ni kitendo cha upendo na uwepo wa wakimbizi hao umebadili maisha yao