UN

Choo sio tu kinaokoa maisha bali kinatengeneza maisha:UN

Vyoo vinaokoa maisha kwa sababu kusambaa kwa kinyesi cha binadamu kunasababisha maradhi mengi yanayokatili maisha ya mamilioni ya watu kila mwaka umesema Umoja wa Mataifa hii leo katika siku ya choo duniani. 

Mwalimu Tabichi ang'ara tuzo ya Umoja wa Mataifa

Mwalimu Peter Tabichi ambaye amepata umaarufu mkubwa  baada ya kutunukiwa tuzo ya mwalimu bora duniani mwaka 2019 , sasa ameibuka kidedea tena na kuwa mshindi wa tuzo ya mtu bora kwa Umoja wa Mataifa nchini Kenya mwaka huu. Tuzo ambayo hutolewa nchini humo kwa mtu ambaye ameleta mabadiliko chanya katika jamii yake.

Ama  hakika wanawake Somalia wamejizatiti kusongesha amani- UN/AU

Ukiwa ziarani kwenye mji mkuu wa Somalia, Mogadishi hii leo, ujumbe wa ngazi ya juu wa Umoja wa Mataifa na Muungano wa Afrika, AU, umekaribisha mafanikio yaliyopatikana kwenye taifa hilo la pembe ya Afrika katika ushiriki wa wanawake kwenye masuala ya amani, usalama na maendeleo huku ukitoa wito wa kutaka mafanikio zaidi. 

Tanzania tumedhamiria kubadili maisha ya watu wetu:Kabudi

Waziri wa mambo ya nje na ushirikiano wa Afrika Mashariki wa Tanzania Profesa Palamagamba John Kabudi amesema Tanzania imedhamiria kubadili maisha ya wananchi wake ikijitahidi kutekeleza malengo ya maendeleo endelevu SDGs.

Acheni kutumia vilipuzi kwenye maeneo ya raia: UN, ICRC

Katibu Mkuu wa Umoja wa Mataifa Antonio Guterres na Rais wa kamati ya kimataifa ya msalaba mwekundu, ICRC Peter Maurer, wametoa taarifa ya pamoja kuhusu ya kusihi kuachwa kwa matumizi ya vilipuzi kwenye miji wakisema kuwa huleta machungu kwa raia.

UN yazindua mkakati kulinda maeneo ya dini na waumini wake

Baada ya jitihada ka kazi kubwa ya miezi kadhaa iliyosimamiwa na mwakilishi wa ngazi ya juu wa ofisi ya Umoja wa Mataifa ya Muungano wa ustaarabu Miguel Moratinos, leo Umoja wa Mataifa umezindua mpango wa hatua kwa Umoja wa Mataifa kwa ajili ya kuyalinda maeneo ya kidini na waumini wake.

Ubia wa UN na mashirika ya kiraia ni muarobaini wa kufanikisha SDGs- Espinosa

Ubia kati ya Umoja wa Mataifa na mashirika ya kiraia na vijana ni muhimu katika kufanikisha makubaliano mbalimbali ya kimataifa ikiwemo malengo ya maendeleo endelevu, SDGs na mkataba wa Paris wa mabadiliko ya tabianchi.

Heko AU kwa kuwa na mkutano kila mwaka kuhusu ukatili wa kingono kwenye mizozo- Bi. Patten

Mwakilishi maalum wa Katibu Mkuu wa Umoja wa Mataifa juu ya masuala ya  ukatili wa kingono katika maeneo yenye mizozo, Pramila Patten amepongeza uamuzi wa hivi karibuni wa Muungano wa Afrika, AU, wa kutenga mkutano mmoja kila mwaka kujadili kwa uwazi janga la ukatili wa kingono katika mizozo barani humo.

Jeshi la Myanmar lastahili vikwazo vikiwemo vya silaha:Tume ya UN

Tume huru ya uchunguzi ya Umoja wa Mataifa nchini Myanmar imeitaka jumuiya ya kimataifa kukata uhusiano na jeshi la Myanmar na mtandao mkubwa wa makampuni linayoyathibiti na kuyategemea na kuliwekea vikwazio vikiemo vya silaha.

UN na Liberia watia saini makubaliano ya uchangiaji wa vikosi vya ulinzi wa amani.

Msaidizi wa Katibu Mkuu wa Umoja wa Mataifa kwa ajili ya operesheni za amani mashinani Atul Khare na mwakilishi wa kudumu wa Liberia katika Umoja wa Mataifa Balozi Dee-Maxwell Saah Kemayah, mjini New York  Marekani  wametia saini makubaliano ya kutambua mchango wa vikosi vya ulinzi wa amani kwa ujumbe wa Umoja wa Mataifa wa kuweka utulivu Mali, MINUSMA. Ujumbe huo wenye walinda amani 105 umekuwa ukihudumu huko Timbuktu tangu Oktoba mwaka 2016.