ukimwi

Vikundi vya kijamii vyatumika kusambaza dawa za kupunguza makali ya VVU katika maeneo ya vijijini Jamhuri ya Afrika ya Kati

Katika mapambano dhidi ya Virusi Vya UKIMWI, VVU na UKIMWI nchini Jamhuri ya Afrika ya Kati, vikundi vya kijamii vinavyoundwa na watu wanaoishi na VVU vinasaidia kusambaza dawa katika maeneo ambayo yana ugumu wa kufikiwa kutokana na usalama mdogo na uhaba wa huduma za kiafya, juhudi ambazo zimewasaidia wengi kama ilivyo katika vijiji vya Zemio. 

Pengo la usawa ndio mtihani wetu katika vita dhidi ya UKIMWI:UNAIDS

Jumla watu milioni 24.6 walikuwa wanapata matibabu dhidi ya virusi vya UKIMWI, VVU,  hadi Juni mwaka 2019 kwa mujibu wa ripoti mpya ya  ya shirika la Umoja wa Mataifa linalohusika na masuala ya UKIMWI, UNAIDS iliyiozindulwa hii leo nchini Kenya. Hata hiyo ripoti hiyo inasema kuwa watu milioni 32 wamepoteza maisha kote dunia tangu ugonjwa huo ugunduliwe. 

Kila saa 1 watoto na barubaru 13 wanafariki dunia, kisa? UKIMWI, UNICEF yataka hatua zaidi.

Watoto na barubaru zaidi ya 300 hufariki dunia kila siku , sawa na 13 kila saa kwa sababu zinazohusiana na masuala ya ukimwi, na nusu tu ndio wanaopata matibabu ya kupunguza makali ya ukimwi, imesema ripoti mpya iliyotolewa leo na shirika la Umoja wa Mataifa la kuhudumia Watoto UNICEF.

Winnie Byanyima aanza kazi rasmi kama mkuu wa UNAIDS

Winnie Byanyima kutoka nchini Uganda leo ameanza kazi rasmi ya Mkurugenzi Mtendaji mpya wa shirika la Umoja wa Mataifa linalohusika na masuala ya ukimwi UNAIDS. Brenda Mbaitsa na taarifa kamili.

Global Fund yasaka dola bilioni 14 kupambana na TB, UKIMWI na malaria

Mfuko wa kimataifa wa kusaidia mapambano dhidi ya virusi vya HIV, kifua kikuu au TB na malaria (Global Fund) umesema unahitaji kuchangisha dola bilioni 14 ili kuongeza kasi ya vita dhidi ya magonjwa hayo katika miaka mitatu ijayo.

WHO yapendekeza dawa ya Dolutegravir (DTG) katika mapambano dhidi ya Virusi Vya UKIMWI

Kwa kuzingatia ushahidi mpya uliotathimini faida na hatari, shirika la afya duniani, WHO,  katika mapambano dhidi ya Virusi Vya UKIMWI, VVU, hii leo mjini Mexico City huko Mexico, limependekeza matumizi ya dawa za Dolutegravir (DTG) kama njia ya kwanza na ya pili ya matibabu inayopendekezwa kwa watu wote wakiwemo wanawake wajawazito na wale wenye uwezekano wa kupata ujauzito.

Nchi futeni sheria za kibaguzi na muweke za kuwalinda watu wote:UNAIDS

Shirika la Umoja wa Mataifa linalohusika na vita dhidi ya UKIMWI, UNAIDS limetoa wito ckwa nchi kote duniani kufuta sheria zote zinazobagua baadhi ya watu kwenye jamii na badala yake kuweka sheria zinazowalinda.

Ni kweli maambukizi ya VVU yamepungua Nigeria lakini tusibweteke -UNAIDS.

Matokeo ya utafiti uliofanywa na serikali ya Nigeria kuhusu maambukizi ya Virusi Vya UKIMWI, VVU nchini humo, yametangazwa hii leo mjini Abuja Nigeria na Geneva Uswisi na kuonesha kushuka kwa maambukizi kutoka asilimia 2.8 hadi asilimia 1.4 miongoni mwa watu wa umri kuanzia miaka 15 hadi 49.

Pamoja na maambukizi mapya ya VVU kupungua duniani, bado hali ni tete kwa wanaojidunga dawa za kulevya-UNAIDS.

Ripoti mpya ya shirika la Umoja wa Mataifa linalopambana na UKIMWI, UNAIDS iliyozinduliwa leo mjini Geneva Uswisi inaonesha pamoja na kupungua kwa maambukizi mapya ya Virusi Vya UKIMWI, VVU, duniani kote, bado maambukizi miongoni mwa wanaotumia sindano kujidunga madawa ya kulevya hayapungui.

Hatua zaidi zahitajika kulinda wasichana barubaru dhidi ya VVU- UNAIDS

Kila siku wasichana barubaru 460 duniani kote wanaambukizwa Virusi Vya Ukimwi, VVU ilhali wengine 350 hufariki dunia kila wiki kutokana na Ukimwi na magonjwa yahusianayo na ugonjwa huo, limesema shirika la Umoja wa Mataifa linalopambana na Ukimwi, UNAIDS hii leo,