ukimwi

Global Fund yasaka dola bilioni 14 kupambana na TB, UKIMWI na malaria

Mfuko wa kimataifa wa kusaidia mapambano dhidi ya virusi vya HIV, kifua kikuu au TB na malaria (Global Fund) umesema unahitaji kuchangisha dola bilioni 14 ili kuongeza kasi ya vita dhidi ya magonjwa hayo katika miaka mitatu ijayo.

WHO yapendekeza dawa ya Dolutegravir (DTG) katika mapambano dhidi ya Virusi Vya UKIMWI

Kwa kuzingatia ushahidi mpya uliotathimini faida na hatari, shirika la afya duniani, WHO,  katika mapambano dhidi ya Virusi Vya UKIMWI, VVU, hii leo mjini Mexico City huko Mexico, limependekeza matumizi ya dawa za Dolutegravir (DTG) kama njia ya kwanza na ya pili ya matibabu inayopendekezwa kwa watu wote wakiwemo wanawake wajawazito na wale wenye uwezekano wa kupata ujauzito.

Nchi futeni sheria za kibaguzi na muweke za kuwalinda watu wote:UNAIDS

Shirika la Umoja wa Mataifa linalohusika na vita dhidi ya UKIMWI, UNAIDS limetoa wito ckwa nchi kote duniani kufuta sheria zote zinazobagua baadhi ya watu kwenye jamii na badala yake kuweka sheria zinazowalinda.

Ni kweli maambukizi ya VVU yamepungua Nigeria lakini tusibweteke -UNAIDS.

Matokeo ya utafiti uliofanywa na serikali ya Nigeria kuhusu maambukizi ya Virusi Vya UKIMWI, VVU nchini humo, yametangazwa hii leo mjini Abuja Nigeria na Geneva Uswisi na kuonesha kushuka kwa maambukizi kutoka asilimia 2.8 hadi asilimia 1.4 miongoni mwa watu wa umri kuanzia miaka 15 hadi 49.

Pamoja na maambukizi mapya ya VVU kupungua duniani, bado hali ni tete kwa wanaojidunga dawa za kulevya-UNAIDS.

Ripoti mpya ya shirika la Umoja wa Mataifa linalopambana na UKIMWI, UNAIDS iliyozinduliwa leo mjini Geneva Uswisi inaonesha pamoja na kupungua kwa maambukizi mapya ya Virusi Vya UKIMWI, VVU, duniani kote, bado maambukizi miongoni mwa wanaotumia sindano kujidunga madawa ya kulevya hayapungui.

Kupunguza maambukizi ya VVU asilimia 30 ni habari njema:UNAIDS

Shirika la Umoja wa Mataifa linalohusika na maswala ya Ukimwi, UNAID leo limekaribisha matokeo yanayoonyesha kupungua kwa maambukizi ya HIV kwa asilimia 30 ambapo mbinu za kuzuia maambukizi ikiwemo, huduma ya kutoa maelezo na kupima VVU nyumbani ilitolewa ikiwemo kuwapeleka waliopatikana na HIV kwenye vituo vya tiba kwa kufuatana na muongozo wa nchi.

Hadi sasa hakuna tiba ya UKIMWI: WHO

Hadi sasa hakuna tiba dhidi ya Ukimwi na wagonjwa nchini Zimbabwe wanaotumia dawa za kupunguza makali ya virusi vinavyosababisha ugonjwa huo, VVU waendelee kuzitumia.

Pongezi India kwa kutetea jamii ya LGBTI:UNAIDS

Mahakama kuu nchini India imetengua baadhi ya vifungu katika sheria za makossa ya jinai nchini humo hususan  kifungu namba 377  kinachoharamisha kundi la watu wanaofanya mapenzi ya jinsia moja, LGBTI. Uamuzi huo umepongezwa na taasisi mbalimbali za Umoja wa Mataifa.

Ubaguzi na unyanyapaa vinaendelea dhidi ya wenye VVU:ILO

Ingawa hatua kubwa zilizopigwa katika kuwatibu watu wanaoishi na virusi vya ukimwi au VVU zimewawezesha kufanya kazi , lakini wanaendelea kubaguliwa kazini umesema utafiti mpya uliozinduliwa leo na shirika la Umoja wa Mataifa la kazi duniani ILO.

Hatua zimepigwa lakini safari bado ni ndefu katika vita dhidi ya ukimwi:WHO

Kongamano la 22 la kimataifa kuhusu ukiwmi limefunguliwa rasmi hii leo mjini Amsterdam Uholanzi likihimiza jitihada za kukabiliana na maambukizi mapya hususan kwa vijana barubaru.