tetemeko la ardhi

Wanawake na wasichana ambao bado wanateseka kufuatia tetemeko kubwa la ardhi hivi karibuni nchini Afghanistan wanakabiliwa na mateso makubwa zaidi wanapojaribu kujenga upya maisha yao bila msaada wa kutosha kutoka kwa jamii ya kimataifa, amesema Susan Ferguson, Mwakilishi Maalum wa shirika la Umoja wa Mataifa la Masuala ya wanawake nchini Afghanistan, UN Women, akizungumza na waandishi wa habari hii leo huko Geneva Uswisi.

Kutokana na maafa yaliyosababishwa na tetemeko kubwa la ardhi katika majimbo ya Mashariki mwa Afghanistan, mashirika mawili ya Umoja wa Mataifa yametoa ombi la msaada la karibu dola milioni 40 kusaidia mamia ya maelfu ya watu walioathirika kwa ajili ya wakati msimu wa baridi unaokaribia.

Mashariki mwa Afghanistan, wahudumu wa misaada wanaendelea kukimbizana kuwasaidia manusura wa tetemeko kubwa la ardhi lililotokea Jumapili, huku idadi ya vifo ikiendelea kuongezeka, umesema leo Umoja wa Mataifa.

Tetemeko kubwa la ardhi lenye ukubwa wa 6.0 lilikumba maeneo ya mbali mashariki mwa Afghanistan usiku wa kuamkia leo na kuua takriban watu 800 huku likifagia kabisa vijiji kadhaa, kwa mujibu wa taarifa za awali.

Tetemeko kubwa la ardhi lenye ukubwa wa 6.0 katika kipimo cha Richter lilikumba mashariki mwa Afghanistan usiku wa kuamkia Jumapili, na kitovu chake kikiwa karibu na Jalalabad jimbo la Nangarhar.

Wakazi wa maeneo yaliyoathirika vibaya na tetemeko la ardhi katikati mwa Myanmar wanalazimika kulala mitaani kwa hofu ya majengo kuanguka, huku wakikumbwa na mvua kubwa za mapema za masika na tishio la magonjwa yanayotokana na maji machafu,umeonya leo Umoja wa Mataifa.

Mashirika ya Umoja wa Mataifa na wadau wa misaada ya kibinadamu leo wamesema wanaendelea kuwasaidia watu wa Myanmar na mahitaji ya msingi baada ya tetemeko kubwa la ardhi la Ijuma iliyopita ambapo idadi ya waliopoteza maisha sasa ni zaidi ya 2,800, maelfu wamejerihiwa na mamia bado hawajulikani wako.

Baada ya tetemeko kubwa la ardhi  la ukubwa wa 7.7 katika kipimo cha Richa kuitikisa Myanmar mwishoni mwa wiki, operesheni za uokoaji zinaendelea huku waokoaji wakiharakisha kuwaokoa wale waliokwama chini ya vifusi vya majengo yaliyoanguka wakati mashirika ya kibinadamu ya Umoja wa Mataifa yakiongeza msaada unaohitajika haraka.

Idadi ya waathirika wa tetemeko la ardhi lililoharibu eneo la kati la Myanmar inaendelea kuongezeka, yameonya mashirika ya Umoja wa Mataifa ya kibinadamu leo Jumapili, na kuongeza shinikizo kwa takriban watu milioni 20 ambao tayari walikuwa wanahitaji msaada.