Hii leo jaridani tunakuletea mada kwa kina ambayo Bi. Lucy Githinji, mkazi wa jimbo la New Jersey nchini Marekani amezungumza na idhaa hii baada ya matembezi ya hiari kwa ajili ya kuhamasisha jamii kuhusu saratani ya titi, akisema hakika dawa zinafanya kazi.
Watoto wasiopungua 17 wasichana tisa na wavulana wanane, akiwemo mtoto mchanga wa siku saba wameuawa katika shambulio lililotokea katika kituo cha wakimbizi wa ndani cha Dar al-Arqam mjini El Fasher, Kaskazini mwa Darfur, mapema Jumamosi asubuhi, kwa mujibu wa taarifa zilizopokelewa na Shirika la Umoja wa Mataifa la Kuhudumia Watoto UNICEF.
Watu wasiopungua 20 wameripotiwa kuuawa wiki hii katika mashambulizi yaliyolenga msikiti na hospitali mjini El Fasher, mji mkuu wa jimbo la Darfur Kaskazini, nchini Sudan, ambao umekuwa ukizingirwa kwa muda mrefu.
Katibu Mkuu wa Umoja wa Mataifa Jumamosi ameeleza wasiwasi mkubwa kuhusu hali inayozidi kuzorota kwa kasi katika mji wa El Fasher, amba oni mji mkuu wa jimbo la Darfur Kaskazini Sudan, akionya juu ya hatari kubwa kwa raia waliokwama katika mji huo uliozingirwa.
Katibu Mkuu wa Umoja wa Mataifa António Guterres amelaani vikali mashambulizi ya vikosi vya Msaada wa Haraka Rapid Support Forces RSF, dhidi ya mji wa El Fasher, Kaskazini mwa jimbo la Darfur, nchini Sudani akionya juu ya maafa makubwa ya kibinadamu na ukiukaji wa sheria za kimataifa.
Kamishna Mkuu wa Haki za Binadamu wa Umoja wa Mataifa, Volker Türk, ameonya leo kuhusu athari mbaya zinazotokana na kuendelea na kuongezeka kwa mapigano katika maeneo ya Darfur Kaskazini na Kordofan nchini Sudan, ambako vimeripotiwa vifo vya raia, unyanyasaji wa kingono, utekaji nyara, na uporaji katika maeneo kadhaa.
Wataalamu huru wa haki za binadamu leo Mei 14 wamekemea vikali ukiukwaji mkubwa na wa kimfumo dhidi ya wanawake na wasichana nchini Sudan, ukiwemo ukatili wa kingono unaohusiana na vita, utekaji nyara, na mauaji, ambayo mengi yameripotiwa kufanywa na kundi la kijeshi la Rapid Support Forces (RSF).
Maelfu ya watu wamefungasha virago na kukimbia mapigano huku njaa ikitishia maisha yao limesema leo Shirika la Umoja wa Mataifa la mpango wa chakua duniani WFP.
Afisa wa Umoja wa Mataifa nchini Sudan ametoa wito wa msaada zaidi kwa wananchi huku vita vya kikatili kati ya majeshi hasimu vikitimiza miaka miwili, wakati mahitaji yakiongezeka, hatari ya kuenea kwa janga la njaa ikiongezeka, na ufadhili wa kibinadamu ukizidi kupungua.
"Tunapokea ripoti za kusikitisha za kuongezeka kwa vurugu dhidi ya raia huko Khartoum, nchini Sudan wakati mapigano makali yakiendelea. Makumi ya raia, wakiwemo wahudumu wa kibinadamu wameuawa,” amesema Seif Magango, msemaji wa Ofisi ya Umoja wa Mataifa ya Haki za Binadamu, OHCHR hii leo.
