rohingya

Benki ya Dunia yaishika mkono Bangladesh ili iboreshe huduma kwa warohingya

Benki ya Dunia imechukua hatua kusaidia Bangladesh kuimarisha huduma za afya  ili nchi hiyo iweze kukabiliana na mahitaji ya wakimbizi wa Rohingya waliosaka hifadhi eneo la Cox’s Baz ar nchini humo.

Japo haiwasahaulishi madhila Radio yawahabarisha wakimbizi wa Rohingya

Mawasiliano ya radio ni muhimu sana kwa jamii yoyote, kwani mbali ya kuburudisha pia huelimisha na kufikisha tarifa muhimu kwa jamii husika, vivyohivyo kwa wakimbizi wa Rohingya walio kambini kwenye makazi ya Katupalong nchini Bangladesh. Kwa mujibu wa shirika la Umoja wa Mataifa la kuhudumia wakimbizi UNHCR mawasiliano ni muhimu sana hasa jamii kama ya Rohingya wanaoishi kambini. 

Mzigo wa wakimbizi wa Rohingya ni jukumu letu sote:Guterres

Mzingo wa zahma ya wakimbizi wa Rohingya sio jukumu la serikali ya Bangladesh pekee bali unapaswa kuwa ni jukumu la dunia nzima. Wito huo umetolewa leo na Katibu Mkuu wa Umoja wa Mataifa Antonio Guterres kwenye kikao cha Baraza la Usalama kuhusu hali ya wakimbizi wa Rohingya, kilichofanyika kwenye makao makuu ya Umoja wa Mataifa mjini New York Marekani.

 

Maafisa wa jeshi Myanmar lazima washitakiwe kwa mauaji ya kimbari: UN ripoti

Maafisa wakuu wa jeshi nchini Myanmar, ikiwa ni pamoja na kamanda Mkuu Min Aung Hlaing, wanapaswa kuchunguzwa na kushtakiwa kwa mauaji ya kimbari, uhalifu dhidi ya binadamu na uhalifu wa vita, kwa mujibu wa ripoti iliyotolewa leo mjini Geneva Uswisi na jopo huru la kiamtaifa la uchunguzi dhidi ya Myanmar. 

Ufadhili wa elimu wahitajika ili kuokoa “kizazi kilichopotea” cha watoto warohingya: UNICEF

Zaidi ya watoto nusu milioni wakimbizi wa kabila la Rohingya waliosaka hifadhi kusini mwa Bangladesh wananyimwa fursa ya elimu na hivyo juhudi za dharura za kimataifa zinahitajika ili kuepusha watoto hao wasikate tamaa.

Nilichoshudia Cox’s Bazar kimenikumbusha wajukuu zangu- Guterres

Kiwango cha machungu waliyopitia warohingya nchini mwao, ukichanganya na madhila ambayo wanapitia hivi sasa huko Cox's Bazar ni kikubwa mno na ni lazima jamii ya kimataifa iongeze msaada wake wakati huu ambapo tayari Bangladesh imefungua mipaka kunusuru warohingya ambao wengi wao ni waislamu.

Nina miaka 90 na nimekuwa mkimbizi Bangladesh mara tatu: Zahra 

Kuwa mkimbizi ni suala moja, kuwa ajuza mkimbizi ni suala lingine lakini kulazimika kuikimbia nchi yako mara tatu kwa sababu ya machafuko ni sawa na kuweka msumari wa moto juu ya kidonda. Hayo ndiyo yaliyomsibu Bi. Zahra Gul mwenye umri wa miaka 90 , mkimbizi wa wa Rohinya kwa mara ya tatu ambaye sasa anaishi kambini Katupalong  nchini Bangladesh..

Hatari bado ipo kwa wakimbizi takriban milioni 1 wa Rohingya: WHO

Shirika la afya ulimwenguni WHO linaendelea na juhudi za kuwalinda wakimbizi wa Rohingya karibu milioni moja nchini Bangladesh dhidi ya ugonjwa wa kipindupindu, huku leo likionya kwamba hatari bado ipo.

Makazi mbadala kwa warohingya yakamilika- UN

Mashirika ya misaada ya kibinadamu yanayotoa huduma kwenye kambi za wakimbizi wa Rohingya nchini Bangladesh , leo yamekamilisha maandalizi ya eneo la kwanza jipya kwa ajili ya kuhamishia familia za wakimbizi walio katika hatari ya maporomoko yatakayosababishwa na pepo za monsuni. 

Wanawake warohigya: Baada ya kubakwa sasa ni wajawazito

Idadi kubwa ya wanawake na wasichana 40,000 wakimbizi wa kirohingya ambao ni wajawazito hivi sasa, walipata hali hiyo baada ya kubakwa.