Shirika la Umoja wa Mataifa la Muungano wa Mawasiliano ITU linalohusika na teknolojia za kidijitali, limeungana na mjasiriamali wa teknolojia na mwanamuziki nyota will.i.am pamoja na kampuni ya Google ili kutoa mafunzo ya Akili mnemba AI na roboti kwa wanafunzi barani Afrika.
Ulimwengu ambapo kanuni za kielektroniki au algorithms zinaamua hatma ya wanajeshi na raia si wa kufikirika tena. Ndege zisizo na rubani au droni zinazoendeshwa na akili mnemba AI, zinabadilisha mfumo wa vita, na kuibua maswali mazito ya kimaadili kuhusu uhuru wa maamuzi katika mapigano.
Hii leo jaridani tunakuletea mada kwa kina ambapo Eugene Uwimana mmoja wa maafisa wa Umoja wa Mataifa nchini Rwanda amemtembelea mhamasishaji wa lugha ya Kiswahili nchini humo Profesa Pacifique Malonga ambaye ameanzisha eneo maalumu la vitabu vya Kiswahili katika Maktaba Kuu ya mji wa Kigali. Pia tunakuletea habari kwa ufupi zikiwemo za uhamiaji, usafirishaji haramu wa binadamu na Akili Bandia. Katika jifunze Kiswahili hii leo tunabisha hodi kwenye Baraza la Kiswahili la Taifa nchini Tanzania BAKITA kupata ujumbe maalum kuhusu umuhimu wa lugha.
Uundaji wa akili bandia, au AI, kwa faida ya wote unahitaji njia za ulinzi zinazozingatia haki za binadamu, uwazi na uwajibikaji, amesema Katibu Mkuu wa Umoja wa Mataifa António Guterres.
Shirika la Mpango wa Maendeleo la Umoja wa Mataifa UNDP nchini Kenya linaendesha programu ya majaribio ya kutumia roboti ili kupima afya za wasafiri wanaoingia na kutoka uwanja wa ndege wa kimataifa wa Jomo Kenyatta jijini Nairobi, pamoja na Hospitali Kuu ya Taifa ya Kenyatta, lengo likiwa ni kuongeza ufanisi na kuwapunguzia mzigo watendaji wa sekta ya afya. Leah Mushi anataarifa zaidi.
(Taarifa ya Leah Mushi)
Shirika la Mpango wa Maendeleo la Umoja wa Mataifa UNDP nchini Kenya linaendesha programu ya majaribio ya kutumia roboti katika kupima afya za wasafiri wanaoingia na kutoka katika uwanja wa ndege wa kimataifa Jomo Kenyatta jijini Nairobi pamoja na Hospitali Kuu ya Taifa ya Kenyatta lengo likiwa ni kuongeza ufanisi na kuwapunguzia mzigo watendaji wa sekta ya afya.
Lengo namba 9 kati ya malengo 17 ya Umoja wa Mataifa ya maendeleo endelevu, SDGs linaangazia viwanda, uvumbuzi na miondombinu. Lengo linalenga ujenzi wa miundombinu thabiti, kukuza viwanda endelevu na jumuishi, na kukuza uvumbuzi.
Hawana kisomo cha chuo kuu lakini ujuzi wao katika masuala ya teknolojia ya kuunda roboti inayoweza kusoma na kuelewa anachofikria mwanadamu na ni uvumbuzi ambao umewashangaza wengi. Moses Njoroge na David Gathu ni wavumbuzi walio na karakana yao ndogo eneo la Kikuyu kaunti ya Kiambu nje kidogo ya mji wa Nairobi nchini Kenya, ambapo kwa kipindi cha miaka 10 wamejikita katika kuunda roboti inayoweza kuwasaidia watu walio na ulemavu wa miguu na mikono kujihudumia. Mwandishi wetu nchini Kenya Jason Nyakundi amezungumza nao akianza na Moses.
Mkimbizi kutoka Syria anayeishi katika kambi ya wakimbizi ya Za’atari nchini Jordan ameunda roboti kwa kutumia vifaa vya plastiki vya LEGO ambayo inasaidia kupambana na ugonjwa wa corona au COVID-19 kambini hapo. Loise Wairimu na taarifa Zaidi
