Polio

Kampeni ya chanjo ya Polio Sudan Kusini yaendelea vizuri

Awamu ya pili ya chanjo dhidi ya ugonjwa wa Polio nchini Sudan Kusini iliyoanza tarehe 16 mwezi huu wa Februari inaendelea vizuri ikilenga watoto zaidi ya milioni 28 wenye umri wa kuanzia siku ya kuzaliwa hadi chini ya umri wa miaka mitano.
 

Watoto zaidi milioni 1.9 wa Iraq katika maeneo yaliyoko katika hatari kubwa, kuchanjwa dhidi ya polio 

Mamlaka za afya za Iraq, kwa kushirikiana na mashirika ya Umoja wa Mataifa, la afya,WHO na lile la kuhudumia watoto UNICEF, jana jumapili wameanza kampeni kubwa ya kuwapatia chanjo watoto wa Iraq, ikiwalenga zaidi ya watoto milioni 1.9 chini ya umri wa miaka mitano.  

Surua bado ni mwiba, idadi ya wagonjwa yafurutu ada, yaua watu 200,000 utoaji chanjo wakwama- WHO

Ugonjwa wa surua ulisababisha vifo vya watu wapatao 207,000 mwaka jana pekee baada ya muongo mzima wa mkwamo wa kupanua wigo wa utoaji wa chanjo, limesema shirika la afya la Umoja wa Mataifa, WHO na kitu cha Marekani cha udhibiti wa magonjwa, CDC.
 

Wahudumu 2 wa kutoa chanjo dhidi ya Polio Somalia wauawa, UNICEF yalaani

Shirika la Umoja wa Mataifa la kuhudumia watoto, UNICEF, limeeleza kushtushwa kwake na mauaji ya wafanyakazi wawili wa kibinadamu mjini Mogadishu nchini Somalia hii leo.

Afrika yatokomeza Polio

Hatimaye nchi za Afrika zilizo kwenye ukanda wa shirika la afya la Umoja wa Mataifa, WHO kwa kanda ya Afrika zimefanikiwa kutokomeza ugonjwa wa Polio.

Kampeni za chanjo a polio zaanza tena Afghanistan na Pakistan baada ya COVID-19 kuwakosesha chanjo watoto milioni 50  

Kwa mujibu wa taarifa iliyotolewa hii leo mjini Kathmandu, Nepal na shirika la kuhudumia watoto UNICEF, kampeni za chanjo ya polio zimeanza nchini Afghanistan na Pakistan, nchi mbili za mwisho kuwa na ugonjwa wa polio duniani.  

Kudorora kwa chanjo DRC kunayaweka maisha ya mamilioni ya watoto njiapanda:UNICEF

Shirika la Umoja wa Mataifa la kuhudumia watoto UNICEF limeonya kwamba kushuka kwa kiwango cha utoaji chanjo kilichoripotiwa nchini Jamhuri ya Kidemokrasia ya Congo DRC kitawaacha mamilioni ya watoto katika hatari kubwa ya kupata magonjwa yatakayokatili maisha yao ikiwemo polio, surua na homa ya manjano.

Jamhuri ya Kongo yaongeza chanjo ya polio katika maeneo ya mpaka wake na Cameroon na CAR

Shirika la afya ulimwenguni WHO limesema hii leo wataalamu wa chanjo wameanza kuzunguka katika vijiji vya Sangha maeneo ya kaskazini mwa Jamhuri ya Congo wakitoa chanjo dhidi ya polio inayoweza kuenezwa kutoka katika nchi za jirani.

Kusambaa kwa Polio kimataifa bado ni tatizo la afya ulimwenguni-WHO

Kusambaa kwa ugonjwa wa polio ambao husababisha kupooza kwa viungo, bado ni tatizo la kimataifa. Maoni hayo yametolewa katika taarifa ilitolewa leo kufuatia mkutano huo wa kamati ya dharura ulioitishwa mjini Geneva Uswisi na shirika la afya duniani, WHO, mkutano ambao unatoa ushauri kwenye masuala ya dharura ya afya ya jamii.

Ni miaka 40 sasa tangu tumetokomeza ndui:WHO

Shirika la afya ulimwenguni WHO leo limeadhimisha miaka 40 tangu kutokomeza ugonjwa wa ndui duniani likisema ni mafanikio makubwa ya kihistoria ambayo yanadhihirisha haja ya haraka ya kuwekeza katika usalama wa afya ya kimataifa na huduma za afya kwa wote.