ohchr

OHCHR yataka utata unaozunguka kifo cha Alia Abdulnoor kuchunguzwa

Ofisi ya haki za binadamu ya Umoja wa Mataifa OHCHR imeitaka Falme ya Nchi za Kiarabu kuchunguza utata unaozunguka kifo cha Alia Abdulnoor. Bi Abdulnoor alifariki katika hospitali ya Al-Ain Mei 4 mwaka huu. Alikuwa akiuagua saratani na anaripotiwa kunyimwa matibabu yanayostahili  na kuzuiwa katika mazingira mabaya.

OHCHR yaitaka Malta kuangalia upya mashtaka  dhidi ya wahamiaji

Ofisi ya haki za binadamu ya Umoja wa Mataifa  OHCHR imetoa wito kwa mamlaka huko Malta kuangalia tena mashtaka yanayohusu ufisadi dhidi  ya vijana watatu waliokamatwa tarehe 28 Machi baada ya kutia nanga nchini humo chombo kwa jina El Hiblu.

Oparesheni ya kijeshi nchini Syria yasababisha maelfu kuhama, OHCHR yaingiwa na wasiwasi

Ofisi ya haki  za binadamu ya Umoja wa  Mataifa  OHCHR imeelezea wasiwasi wake kutokana na oparesheni  ya jeshi  katika mikoa ya Hama kaskazini na Idlib kusini nchini Syria iliyoanza  tangu Aprili 29, ambayo imeyaweka hatarini maisha ya maelfu ya watu waliokuwa wamehama makwao ambao wamekuwa wakiishi eneo hilo kwa miaka kadhaa.

Walibya 42,000 watawanywa na machafuko ya karibuni Tripoli

Nchini Libya maelfu ya wanawake, watoto na wanaume wamelazimika kufungasha virago na kukimbilia nje ya mji mkuu Tripoli kufuatia machafuko yanayoendelea katika eneo la Kaskazini la mji huo.

UN yataka hatua kulinda watoto mitandaoni

Mtalaamu wa haki za binadamu wa Umoja wa Mataifa kuhusu haki ya faragha, Joe Cannataci hii leo mjini Geneva Uswisi, ameomba jitihada za pamoja za kimataifa za kulinda na kuwawezesha watoto kukabiliana na mazingira ya mtandaoni.

Mwaka mmoja wa mgogoro wa Nicaragua, zaidi ya watu 60,000 wameikimbia nchi.

Msemaji wa shirika la Umoja wa Mataifa la kuwahudumia wakimbiazi UNHCR Liz Throssell amewaambia wana habari hii lemjini Geneva Uswisi kuwa inakadiriwa kuwa watu wapatao 62,000 wameikimbia Nicaragua na kusaka hifadhi katika nchi za jirani wengi wao kufikia 55,500 wakiingia Costa Rica kutokana na mazingira magumu nchini mwao tangu mwaka jana.

 

Kinachoendelea Libya chaweza kuwa uhalifu wa kivita, 47 wauawa na 181 kujeruhiwa siku tatu zilizopita:UN

Katika siku tatu zilizopita watu 47 wameuawa na wengine 181 kujeruhiwa katika machafuko yanayoendelea mjini Tripoli Libya na viunga vyake huku ofisi ya haki za binadamu ya Umoja wa Mataifa ikitoa onyo kuwa mashambulizi hayo dhidi ya raia na miundombinu yao yanaweza kuwa ni uhalifu wa kivita.

Sera nchini Zimbabwe zawaweka taabani zaidi walalahoi- Wataalamu

Wataalamu wa haki za binadamu wa Umoja wameonya kuwa sera zinazotekelezwa nchini Zimbabwe zinazidi siyo tu kudororesha uchumi wa nchi bali pia zinafanya hali kuwa mbaya zaidi kwa walala hoi na wale wanaopaza sauti kulalamika.
 

Japo pengo la usawa linaweza kusambaratisha mihilili ya UN, haki inaleta matumaini:Bachelet

Ukiukwaji mkubwa wa haki za binadamu unaendelea kutamalaki katika sehemu mbalimbali duniani ukichochewa zaidi na changamoto zilizopo hivi sasa ikiwemo tishio la mabadiliko ya tabianchi, maendeleo ya teknolojia, vita vinavyozua zahma kubwa kwa raia, ukosefu wa ajira kwa vijana, mabadiliko ya mifumo, chuki dhidi ya wageni na ongezeko la pengo la usawa.

Ofisi ya haki za binadamu Burundi yafungishwa virago baada ya miaka 23

Kwa masikitiko makubwa Kamishina Mkuu wa haki za binadamu wa Umoja wa Mataifa Michelle Bachelet leo ametangaza kufungwa kwa ofisi ya haki za binadamu nchini Burundi.