Ripoti mbili kutoka mashirika ya Umoja wa Mataifa zilizotolewa hii leo, kwa namna tofauti zimeonesha namna athari za ugonjwa wa COVID-19 unaosababishwa na virusi vya corona, zikavyosababisha kuporomoka kwa nguvu ya uchumi ya watu wengi na hivyo kuwaingiza katika umaskini uliokithiri.
Dola trilioni 2.5 zinahitajika ili kuzisaidia nchi zinazoendelea ambako theluthi mbili ya watu wote duniani wanaishi ili kuhimili athari za kijamii na kiuchumi kutokana na mgogoro wa virusi vya Corona, COVID-19.
Umoja wa Mataifa umesema kuwa mataifa maskini zaidi duniani yanapaswa kuhakikisha kuwa fedha za misaada kutoka nje zinaelekezwa katika vipaumbele vya kitaifa vya maendeleo.
Katibu Mkuu wa kamati ya biashara na maendeleo ya Umoja wa Mataifa, UNCTAD Dkt. Mukhisa Kituyi amesema teknolojia ya kuwa na fedha kwenye mtandao wa simu hadi mashinani itakuwa na maana zaidi pale watu watatumia fedha hizo kujiongezea kipato.
Ripoti mpya ya kamati ya Umoja wa Mataifa ya biashara na maendeleo UNCTAD kuhusu usafirishaji wa njia ya baharí kwa mwaka 2018, imeonya kwamba vita vya biashara vinatishia mtazamo wa usafirishaji wa kimataifa wa bidhaa kwa njia ya baharí.
Kamati ya biashara na maendeleo ya Umoja wa Mataifa, UNCTAD imesema nchi za Afrika zisipoanzisha majukwaa ya kufanya biashara mtandaoni, basi fursa hiyo itachukuliwa na mataifa mengine ambayo yameshajiimarisha kwenye sekta hiyo.
Maendeleo ya teknolojia yanazidi kuleta nuru duniani ambapo Umoja wa Mataifa nao unatumia fursa ya kupitia wadau wake ili kuona maendeleo hayo yananufaisha watu wote ikiwemo vijana hususan wale wa pembezoni.
Kamati ya biashara na maendeleo ya Umoja wa Mataifa, UNCTAD imezungumzia ushirikiano wake na kampuni ya Ali baba katika kuinua uwezo wa vijana wa Afrika kwenye kutumia majukwaa ya kieletroniki kuuza bidhaa zao.
Katibu Mkuu wa UNCTAD, Dkt. Mukhisa Kituyi amezungumzia mradi huo akihojiwa na Idhaa ya Umoja wa Mataifa jijini New York, Marekani.
Amesema wamanzisha mradi huo na Jack Ma, kiongozi wa kampuni ya Ali Baba ambapo vijana kutoka Afrika wanakwenda jimboni Hangzhou kujifunza jinsi ya kujenga majukwaa ya biashara mtandaoni.
Uwekezaji wa kigeni wa moja kwa moja-FDI ulishuka mwaka wa 2017 kutoka dola trilioni 1.87 mwaka wa 2016 hadi dola trilioni 1.43 mwaka wa 2017. Hii ikimaanisha kuwa uwekezaji huo ulishuka kwa asilimia 23.
Hayo ni kwa mujibu wa ripoti mpya ya kamati ya maendeleo na biashara ya Umoja wa Mataifa, UNCTAD iliyotolewa leo mjini Geneva Uswisi.
Ripoti hiyo, “Uwekezaji na sera mpya za viwanda “, imetathimini hali ya uwekezaji duniani katika kipindi cha kati ya 2016 na 2017. Katibu Mkuu wa UNCTAD, Mukhisa Kituyi, amesemaushukaji wa FDI na pia kudorora kwa makampuni tanzu duniani vinaleta wasiwasi hususan katika nchi zinazochipukia kiuchumi