msaada

Watu 30,000 wafungasha virago Nigeria na kuingia Niger kufuatia machafuko mapya:UNHCR

Machafuko mapya katika eneo la Kaskazini Magharibi mwa Nigeria yamewalazimisha watu 30,000 kufungasha virago na kukimbilia katika eneo la Maradi nchi jirani ya Niger ambako sasa wanapatiwa msaada na shirika la Umoja wa Mataifa la kuhudumia wakimbizi UNHCR.

Muda unawatupa mkono watu wa Sahel wakati mashambulizi yakishika kasi:UNHCR

Shirika la Umoja wa Mataifa la kuhudumia wakimbizi UNHCR limesema linatiwa wasiwasi mkubwa na ongezeko la machafuko katika ukanda wa Sahel ambayo yameshuhudia raia wasio na hatia wakilengwa na kusababisha maelfu kutawanywa katika wiki za hivi karibuni  lakini pia kuathiri kwa kiasi kikubwa shughuli za misaada ya kibinadamu.

Mafuriko, nzige na COVID-19 vyatishia kuirudisha nyuma Somalia:OCHA

Somalia taifa lililoghubikwa na miongo zaidi ya mitatu ya vita vinavyoendelea sasa mafuriko, nzige na janga la corona au COVID-19 vinatishia kurudisha nyuma hatua kubwa zilizopigwa za kisiasa na kiusalama, limeonya shirika la Umoja wa Mataifa la kuratibu masuala ya kibinadamu na misada ya dharura OCHA.

Hali ni mbaya huku watu wakiendelea kutawanywa Syria:UN Ripoti

Tume ya Umoja wa Mataifa ya uchunguzi kuhusu machafuko yanayoendelea nchini Syria imesema hali ni mbaya na vita nchini humo havina dalili yoyote ya kumalizika, huku ukiukwaji wa haki za binadamu ukiongezeka.

Watu milioni 45 wanakabiliwa na janga la njaa kusini mwa Afrika:WFP

Watu milioni 45 wengi wakiwa wanawake na watoto katika mataifa 16 ya nchi zinazoendelea Kusini mwa Afrika wanakabiliwa na hali mbaya ya kutokuwa na uhakika wa chakula kufuatia kujirudia kwa hali ya ukame, kusambaa kwa mafuriko na kuyumba kwa uchumi.

Nimejifunza kwamba kukirimu wakimbizi sio lazima uwe tajiri:Guterres

Tatizo la wakimbizi ni jukumu la kila mtu sio wakimbizi au nchi zinazowahifadhi pekee, kwani nimejifunza ukarimu sio lazima uendane na utajiri. Hayo yamesemwa na Katibu Mkuu wa Umoja wa Mataifa hii leo katika kongamano la kimatifa kwa ajili ya wakimbizi linaloendelea mjini Geneva Uswis.  

Dola milioni 50 zahitajika haraka kwa ajili ya vita dhidi ya Ebola DRC na nchi jirani-WFP

Jumla ya dola milioni 50 zinahitajika hraka ili shirika la Umoja wa Mataifa la mpango wa chakula duniani WFP liweze kufanya maandalizi muhimu kwa ajili ya kukabiliana na mlipuko wa Ebola unaoendelea nchini Jamhuri ya Kidemokrasia ya Congo DRC na uwezekano wa mlipuko katika nchi jirani.

Zaid ya dola bilioni 3 zahitajika msumbiji kwa ujenzi mpya baada ya vimbunga Idai na Keneth:UNDP

Serikali ya Msumbiji leo inafanya mkutano wa kimataifa wa ufadhili mjini Beira kwa ajili ya kuomba msaada wa  ujenzi mpya wa kijamii, uzalishaji na miundombinu baada ya athari za vimbunga Idai na Keneth.

WFP yafikiria kusitisha utoaji misaada sehemu zinazodhibitiwa na Houthi nchini Yemen

Shirika la mpango wa chakula dunia WFP linataka mambo matatu ya dharura kufanyika nchini Yemen yakiwemo: uhuru wa kuhudumu, kuwafikia wale walio na njaa na kufanyika usajili wa kieletroniki.

Janga la njaa Yemen ndio baya zaidi kusababishwa na binadamu katika historia:UNFPA

Mkurugenzi wa shirika la Umoja wa Mataifa la idadi ya watu duniani, UNFPA kanda ya eneo la Waarabu amesema baa la njaa linalonyemelea nchini Yemen linaweza kuwa ndio baya zaidi kuchangiwa na binadamu katika historia ya karibuni.