Misri

Baraza la Usalama la Umoja wa Mataifa leo lilipewa taarifa na afisa mkuu wa masuala ya siasa wa Umoja wa Mataifa kuhusu shambulio la anga la Israel mjini Doha Qatar na kusema ni ongezeko la kutisha la mvutano lililolaaniwa kama uvunjaji wa mamlaka ya nchi unaotishia mazungumzo yanayoendelea ya kusitisha mapigano na kuachiliwa kwa mateka huko Gaza.

Kamishna Mkuu wa Haki za Binadamu wa Umoja wa Mataifa, Volker Türk, leo Jumanne ya Agosti 26 jijini Geneva, Uswisi ametoa wito kwa mamlaka za Misri kukomesha utaratibu unaofanya wakosoaji wa Serikali kuzuiliwa kiholela na kwa muda mrefu, hata baada ya kutumikia vifungo vyao au kukamilisha muda wa juu kabisa wa kizuizi cha kabla ya kesi.

Kadri vita vinavyoendelea katika maeneo ya Khartoum na Darfur, idadi ya raia wa Sudan wanaorejea kutoka nchi jirani ya Misri imeongezeka kwa kasi tangu mwanzo wa mwaka huu, limesema leo Shirika la Umoja wa Mataifa la Uhamiaji IOM, likionesha mabadiliko ya uwezekano katika mienendo ya uhamaji.

Mgogoro wa kimataifa wa ufadhili wa misaada ya kibinadamu umelilazimu Shirika la Umoja wa Mataifa la kuhudumia Wakimbizi UNHCR, kusimamisha huduma muhimu za kuokoa maisha kwa wakimbizi nchini Misri, na kuwaacha maelfu ya watu, wakiwemo wakimbizi wa Sudan, bila matibabu muhimu na huduma za ulinzi kwa watoto, imesema taarifa iliyotolewa na Leona shirika hilo mjini Cairo, Misri.

Katibu Mkuu wa Umoja wa Mataifa leo amesisitiza kuwa “msingi wa kweli wa ujenzi mpya na kujikwamua kwa Gaza lazima uwe msingi wa mfumo wa kisiasa ulio wazi na uliokubaliwa, si tu matofali na saruji.”

Ikiwa ni miezi kumi na nne ya mzozo, watu wanaokimbia makazi yao nchini Sudan wanaendelea kuongezeka hadi kiwango ambacho hakijawahi kutokea huku mzozo ukiendelea na kuwa na athari mbaya katika ukanda na kwingineko kwa mujibu wa Mfumo wa Ufuatiliaji wa Wanaohamishwa wa Shirika la Umoja wa Mataifa la Uhamiaji - IOM (DTM).

Wakati njaa ikizidi kuidhoofisha Gaza, Katibu Mkuu wa Umoja wa Mataifa António Guterres leo amerejea wito wake wa usitishaji mapigano wa kudumu kwa mzozounaoendelea Gaza na kuachiliwa huru kwa mateka wote waliosalia huku kukiwa na uharibifu usio na kifani na unaoendelea katika eneo hilo linalokaliwa la Palestina.

Kutokana na kuongezeka kwa mizozo na migogoro ya kibinadamu, Katibu Mkuu wa Umoja wa Mataifa António Guterres ameanza safari yake ya kila mwaka ya mshikamano kipindi cha Ramadhani, inayoanza wikendi hii mjini Cairo, Misri. Safari hiyo ambayo inasadifiana na mwezi mtukufu wa Ramadhani, inafanyika katika nyakati za misukosuko hasa kutokana na mzozo unaoendelea huko Gaza.

Mazungumzo ya kusitisha mapigano Gaza yanaendelea nchini Misri kwa siku ya pili leo huku Kamishina Mkuu wa Haki za binadamu wa Umoja wa Mataifa akionya kwamba vita ya Gaza iko katika hatari ya kubadili mweleko na kupanua wigo zaidi utakaoathiri kila nchi Mashariki ya Kati na kwingineko.