Kwa mujibu wa ripoti mpya ya malaria ulimwenguni iliyotolewa hii leo na shirika la afya la Umoja wa Mataifa, WHO, maendeleo dhidi ya malaria yanaendelea kupungua, hasa katika nchi zenye mzigo mkubwa barani Afrika. Mapengo katika upatikanaji wa zana za kuokoa maisha yanadhoofisha juhudi za ulimwengu za kukabiliana na ugonjwa huo, na janga la COVID-19 linatarajiwa kurudisha nyuma zaidi mapambano. 

Watafiti wa malaria barani Afrika wameonya kuwa huenda bara hilo likajikuta katika hali ngumu ya kupambaan na ugonjwa wa malaria unaokatili maisha ya maelfu ya watu kila mwaka na hasa watoto wa chini ya umri wa miaka mitano.

Ikiwa leo ni siku ya Malaria duniani, shirika la afya la Umoja wa Mataifa, WHO, kwa kushirikiana RBM Partnership ambalo ni jukwaa la kutokomeza ugonjwa wa malaria linaloundwa na wadau zaidi ya 500 kuanzia makundi ya wahudumu wa sekta ya afya na mashirika ya kimataifa linanadi kauli mbiu ya “Bila Malaria inaanza na mimi”.