Makala za wiki

Siku ya Kimataifa kupunguza Maafa

Ijumatano, tarehe 11 Oktoba iliadhimishwa kuwa ni ‘Siku ya Kimataifa Kupunguza Maafa’.

Ripoti kuhusu tatizo la utumiaji nguvu dhidi ya wanawake

Mapema wiki hii, KM Kofi Annan aliwasilisha mbele ya Kamati ya Tatu ya Baraza Kuu, ambayo inahusika na masuala ya kijamii, kiutu na kitamaduni, ripoti maalumu inayozingatia tatizo sugu, na karaha, la utumiaji nguvu dhidi ya wanawake.

KM kuanzisha rasmi mfuko wa ujenzi wa amani

Ijumatano KM Kofi Annan alishiriki kwenye kikao maalumu cha kuanzisha Mfuko wa Ujenzi wa Amani wa UM utakaotumiwa kuyasaidia yale mataifa yanayoibuka kutoka hali ya uhasama kurudisha amani kwenye maeneo yao na kujiepusha na hatari ya kuteleza tena kwenye mapigano, vurugu na machafuko.

UM unaadhimisha 'Siku ya Makazi Bora Duniani' kwa kuhimiza kuchukuliwe hatua za dharura kudhibiti ukuaji wa mitaa ya mabanda

Mapema wiki hii, kulifanyika sherehe kadha wa kadha katika miji mbalimbali ya dunia kuadhimisha ‘Siku ya Makazi Bora Duniani.’ Mada ya mwaka huu inasema: “Miji, ndiyo ni kivutio cha matarajio mema.”

Hali ya usalama katika Darfur yazidi kuharibika

Shirika la UM juu ya Huduma za Amani katika Sudan (UNMIS) limeripoti kuwa hali ya usalama katika Darfur ya kusini, inaendelea kuharibika, hususan katika mji wa Gereida, kutokana na mvutano uliojiri na uhasama kati ya makabila yanoishi kwenye eneo hilo. Wakati huo huo kwenye mji wa Um al-Kher, Darfur ya Magharibi imeripotiwa kutukia vifo vya watu walioambukizwa na maradhi ya kipindupindu. Ripoti ya karibuni ya KM imeonya ya kuwayale mashirika yanayohudumia misaada ya kiutu huenda yakafunga operesheni zake pindi hali ya usalama haijadhibitiwa katika eneo kama ipasavyo. ~~

Maelfu ya wahamiaji wa Usomali wakimbilia Kenya kunusuru maisha

Shirika la UM juu ya Miradi ya Chakula Duniani (WFP) limeripoti ya kuwa maelfu ya wahamiaji kutoka Usomali wanakimbilia Kenya hivi sasa kukwepa mapigano yaliofumka karibuni nchini mwao baina ya wafuasi wa Umoja wa Mahakama za Kiislamu (ICU) na vikosi vya Serekali ya Mpito.

UNICEF yawakilisha ripoti kuhusu maamirisho ya lengo la MDGs juu ya maji safi na usafi wa mastakimu

Mkurugenzi Mkuu wa UNICEF, Ann Veneman Alkhamisi aliwakilisha mbele ya waandishi habari wa kimataifa, ripoti yenye kuelezea maendeleo yaliopatikana kuhusu utekelezaji wa lengo la MDGs la kuimarisha huduma za maji safi na usafi wa mastakimu. Kwa mujibu wa ripoti ya UNICEF, tangu 1990 watu bilioni 1.2 walifanikiwa uwezo wa kupata maji ya kunywa safi na salama.

Mukhtasari unaongaza wiki ya kwanza ya mjadala wa wawakilishi wote katika Baraza Kuu la Umoja wa Mataifa

Mjadala wa kila mwaka wa wawakilishi wote kwenye Baraza Kuu la Umoja wa Mataifa ulifunguliwa rasmi hapo Ijumanne, tarehe 19 Septemba (2006) na Sheikha Haya Rashed Al Khalifa wa Bahrain. Sheikha Haya katika hotuba yake ya ufunguzi aliwahimiza viongozi wa kimataifa waliokusanyika kwenye Makao Makuu kulenga zaidi juhudi zao katika kutekeleza kwa vitendo ahadi zao ili kusaidia kupunguza ufukara na kuboresha maisha ya umma wa kimataifa, kwa ujumla. ~

Baraza Kuu la Umoja wa Mataifa limeitisha Mkutano wa Hadhi ya Juu kuzingatia misaada ya maendeleo kwa LDCs.

Mapema wiki hii kulifanyika kikao maalumu cha siku mbili katika Baraza Kuu kuzingatia juhudi za kupunguza umaskini na ufukara katika yale mataifa yenye uchumi mdogo kabisa, ambayo pia hujulikana kama mataifa ya LDCs. Wawakilishi wa kimataifa walikutana kwenye mjadala uliofanya mapitio ya ule Mpango wa Utendaji wa Brussels wa 2001.~~

Kumbukumbu ya ziara ya Makamu KM juu ya Masuala ya Kiutu katika Afrika

Mapema wiki hii Jan Egeland, Makamu KM Juu ya Misaada ya Kiutu ya Dharura alikutana na waandishi habari mjini Nairobi, Kenya baada ya kukhitimisha safari ya siku nane kwenye maeneo matatu yaliokabiliwa na matatizo ya kiutu barani Afrika; yaani Jamhuri ya Kidemokrasia ya Kongo (JKK), Uganda na Sudan ya Kusini.