Makala za wiki

Naibu KM wa UM anasailia matatizo ya kimataifa na Redio ya UM

Wiki hii wasikilizaji Idhaa ya Kiswahili ya Redio ya UM ilibahatika kupata fursa ya kufanya mahojiano maalumu na Naibu KM wa UM, Asha-Rose Migiro kwenye studio zetu. Naibu KM Migiro alisailia mada kadha wa kadha zinazoambatana na shughuli za UM, ikijumuisha utekelezaji wa Malengo ya Milenia ya Maendeleo (MDGs)katika mataifa masikini, suala la Darfur, mageuzi katika UM, udhibiti wa mabadailiko ya hali ya hewa na kadhalika.

Uchina itajitahidi kujihusisha kikamilifu kuleta suluhu maridhia Darfur

Mjumbe wa Uchina juu ya Suala la Darfur, Balozi Liu Guijin alizuru Makao Makuu mwanzo wa wiki na alikutana na wawakilishi wa jamii ya kimataifa pamoja na KM Ban Ki-moon. Kadhalika alichukua fursa hii na kufanya mazungumzo na Idhaa ya Redio ya UM ambapo alihojiwa na Fan Xiao wa vipindi vya Kichina. Balozi Liu aliombwa aelezee sababu hasa zilizoifanya Serekali ya Uchina kuamua kuteua Mjumbe Maalumu kushughulikia suala la Darfur?:

Katibu Mkuu ameitisha mkutano wa aina ya pekee kuimarisha maendeleo Afrika

Ripoti ya mwezi Juni (2007) ya Shirika la UM juu ya Miradi ya Maendeleo (UNDP) ilibainisha mataifa ya Afrika yaliopo kusini ya Sahara bado yamepwelewa sana kwenye juhudi za maendeleo, kwa ujumla, na hakuna dalili haya yatafanikiwa kuyakamilisha, kwa wakati, yale Malengo ya Maendeleo ya Milenia (MDGs) ya kupunguza kwa nusu, kabla ya 2015, umasikini, njaa, maradhi na kutojua kusoma na kuandika.

Fafanuzi za Kamanda Mkuu wa MONUC juu ya hali katika Kivu Kaskazini

UM umeripoti ya kuwa hivi karibuni maelfu ya raia wa Kongo wamelazimika kulihama jimbo la Kivu Kaskazini katika Jamhuri ya Kidemokrasi ya Kongo (DRC), baada ya kufumka tena mapigano baina ya vikosi vya Serekali na makundi ya waasi wanaoshirikiana na wanajeshi watoro.

Ziara ya Katibu Mkuu wa Umoja wa Mataifa Sudan

KM wa UM Ban Ki-moon wiki hii alifanya ziara ya siku nne nchini Sudan, ikiwa miongoni mwa juhudi za kimataifa, kuleta hatima ya mgogoro na vurugu liliolivaa jimbo la magharibi la Darfur. Kadhalika, KM alichukua fursa ya kujionea binafsi aina ya mazingira yatakayovikabili vikosi mseto vya UM na Umoja wa Afrika wa AU vitkavyopelekwa Darfur mwakani.~

Mkutano wa DPI/NGOs kuzingatia taathira za uchafuzi wa hali ya hewa duniani

~Mkutano shirika wa mwaka wa Idara ya Habari kwa Umma ya UM (DPI) pamoja na jumuiya za kiraia (NGOs) ulianza kikao chake cha siku tatu katika Makao Makuu ya Umoja wa Mataifa wiki hii. Mada ya mwaka huu ilisema “Mabadiliko ya Hali ya Hewa: Namna Yanavyotuathiri Sisi Sote.”

KM azungumza na waandishi habari juu ya ziara yake ijayo katika Sudan, Chad na Libya

Ijumanne, Agosti 28 (2007) Katibu Mkuu (KM) wa Umoja wa Mataifa (UM) Ban Ki-moon alikuwa na mazungumzo na waandishi habari katika Makao Makuu juu ya ziara yake katika mataifa ya Chad, Libya na Sudan kusailia kipamoja na viongozi wa mataifa haya juu ya taratibu zitakazosaidia kurudisha utulivu na suluhu ya kuridhisha kuhusu tatizo la Darfur. KM alianza mazungumzo kwa kuelezea sababu hasa zilizomhamasisha yeye binafsi kuamua kufanya ziara hii:

Wanamazingira Vijana Wakusanyika Ujerumani Kujadilia Hifadhi Bora ya Mazingira Duniani

Kuanzia tarehe 26 hadi 30 Agosti 2007, katika mji wa Leverkusen, Ujerumani kulifanyika Mkutano wa Tatu wa Vijana wa Kimataifa wa Tunza, ulioandaliwa na Shirika la UM juu ya Hifadhi ya Mazingira Duniani (UNEP).

Makundi ya wanamgambo 3,500 katika Ituri kukubali kusalimisha silaha

Makundi matatu ya wanamgambo wa JKK katika wilaya ya Ituri, yaani Mouvement Revolutionnaire Congolais (MRC), Front de Résistance Patriotique de l’Ituri (FRPI) na Front des Nationalistes et Intégraionnistes (FNI) yameahidi kusajili jumla ya wapiganaji wao 3,500 kwenye ule mpango wa UNDP ujulikanao kama mradi wa DDR, mpango ambao utawawezesha wanamgambo husika kupatiwa msaada wa fedha za kuanzisha maisha mapya ya kiraia au kujiunga na jeshi la taifa.

Mzozo wa mgomo wa watumishi wazalendo wa MONUC katika DRC

Jumuiya ya Watumishi Wazalendo walioajiriwa na Shirika la UM linalosimamia ulinzi wa amani katika Jamhuri ya Kidemokrasi ya Kongo, yaani Shirika la MONUC, Alkhamisi iliamua kuitisha mgomo baridi, uliosababishwa na madai ya kwamba wenye kusimamia utawala katika MONUC walipuuza kwa muda mrefu malalamiko yao ya kikazi na kushindwa kuwapatia suluihu ya kuridhisha. Tulifanya mahojiano ya simu na mwandishi habari aliopo mjini Kinshasa, DRC anayeitwa ‘Ahmed Simba’ ambaye alitupatia dokezo kuhusu mgomo huu. Alianza kwa kuelezea nini hasa kilikuwa chanzo cha mgomo.~~Sikiliza mahojiano kamili kwenye idhaa ya mtandao.