Makala za wiki

UM yanuia kukomesha karaha ya utumiaji mabavu dhidi ya wanawake

KM wa UM Ban Ki-moon aliwasilisha risala maalumu, na muhimu, kwenye taadhima za kuiheshimu Siku ya Kimataifa ya Kukomesha Utumiaji Mabavu dhidi ya Wanawake. Jumuiya ya Kimataifa iliafikiana kuitambua tarehe 25 Novemba, kila mwaka, kuwa ni siku kuuzindua umma wa dunia juu ya jukumu kuu, na tukufu, la kupiga vita, kipamoja, vitendo karaha vya kutumia mabavu na nguvu dhidi ya watoto wa kike na wanawake.

Hatua za dharura zinatakikana kuondoa mtego wa athari za mabadiliko ya hali ya hewa dhidi ya masikini duniani

Ripoti ya Shirika la UM juu ya Miradi ya Maendeleo (UNDP)iliowasilishwa mbele ya waandishi habari wa kimataifa waliopo Makao Makuu, na mtaalamu wa takwimu, Claes Johansson ilibainisha kwamba wanaoumia, na kuathirika zaidi kihali na mali, kutokana na uchafuzi wa mazingira duniani ni lile fungu la umma wa kimataifa ambalo halihusiki kamwe na uharibifu huo

Siku ya Kuimarisha Haki kwa Watoto Duniani.

Tarehe 20 Novemba kila mwaka huadhimishwa na Mataifa Wanachama kuwa ni siku ya kukumbushana jukumu adhimu lilioikabili jumuiya ya kimataifa la kuwatekelezea watoto haki zao halali. Tangu mwaka 1989, pale Baraza Kuu la UM lilipoidhinisha Mkataba juu ya haki za Mtoto, umma wa kimataifa ulijitahidi sana kuwatekelezea watoto haki zao za kimsingi. Lakini maendeleo yaliopatikana yalikuwa haba sana na hayakuridhisha kikamilifu, hususan katika utekelezaji wa haki hizo kwa wale watoto wanaojikuta wamenaswa kwenye mazingira ya uhasama na mapigano.~~ Sikiliza ripoti kamili juu ya suala hili, kwenye idhaa ya mtandao, kutoka A. Aboud wa Redio ya UM.

Kongamano la kusailia mazingira mapya ya utangazaji wa idhaa za Kiswahili duniani

Hivi karibuni katika mji wa Dar es Salaam, Tanzania kulifanyika kongamano maalumu la Idhaa za Kiswahili Duniani lilioandaliwa na Baraza la Kiswahili Tanzania (BAKITA)kwa lengo la "kujenga mazingira mapya ya utangazaji."

Hali ya watu kukimbia kwa maelfu kutoka mji mkuu wa Somalia Mogadishu kutokana na mapigano makali

Serekali ya mpito ya Somalia inayoungwa mkono na Ethopia imefunga vituo vitatu huru vya radio wiki hii kufuatia mapigano makali kabisa mwisho mwa wiki iliyopita na kukimbia kwa karibu watu laki moja na elfu 73 kutoka Mogadishu.

Utumiaji wa lugha ya Kiswahili katika vyombo vya habari duniani.

Baraza la Kiswahili nchini Tanzania Bakita liliandaa mkutano wa pili wa vyombo vya habari duniani mjini Dar es Salaam kujadili utumiaji wa lugha hiyo na jinsi ilivyo panuka na kutumika zaidi kuliko ilivyokuwa miaka 20 wakati wa mkutano wa mwisho.

UNFPA yahudumia uboreshaji wa afya ya mama Tanzania

Karibuni UM ilichanganyika na Serikali za Mataifa Wanachama pamoja na mashirika ya kiraia kadhaa kuanzisha kampeni ya kimataifa, yenye lengo la kupunguza vifo vya watoto wachanga na mama wajawazito katika mataifa yanayoendelea, ikiwa miongoni mwa majukumu ya kutekeleza Malengo ya MDGs kwa wakati.

Ripoti ya UNESCO kuzingatia athari za mapigano katika ilimu

Utafiti ulioendelezwa na Shirika la UM juu ya Ilimu, Sayansi na Utamaduni (UNESCO) kuhusu namna huduma za ilimu zinavyoathirika kutokana na mapigano imeonesha wanafunzi, walimu na vile vile wanazuoni mara nyingi hushambuliwa kihorera na makundi yanayohasimiana, kwa makusudi bila ya kisingizio.

Fafanuzi za Mpatanishi wa AU kwa Darfur juu ya Mkutano wa Sirte

Mazungumzo ya upatanishi kuhusu mgogoro wa Darfur, yaliofanyika kwenye mji wa Sirte, Libya kuanzia Oktoba 27 (2007) na kuongozwa na Mjumbe Maalumu wa KM kwa Darfur Jan Eliasson pamoja na Dktr Salim Ahmed Salim aliye Mpatanishi wa Umoja wa Afrika (AU) kwa Darfur, yamekamilisha awamu ya kwanza ya majadiliano kwa matumaini ya kuwa wadau wote watakutana tena baada ya wiki chache kusailia awamu ya pili juu ya taratibu za marekibisho zinazofaa kuchukuliwa kipamoja ili kurudisha utulivu na amani Sudan magharibi.

Kamati ya CTC yasailia udhibiti wa ugaidi

Kamati ya Baraza la Usalama dhidi ya Ugaidi au Kamati ya CTC ilipohitimisha mijadala ya siku tatu kwenye Makao ya UM mjini Nairobi Kenya, ilitoa taarifa ya pamoja na pia mpango wa utendaji, uliowakilisha karibu darzeni tatu ya mashirika ya kikanda na kimataifa, maafikiano ambayo yalilenga juhudi za kuimarisha uwezo wa nchi zao kuwanyima magaidi fursa ya kuvuka mipaka kihorera.