Makala za wiki

Mataifa Wanachama yasailia tatizo la mabadiliko ya hali ya hewa duniani

Wawakilishi kutoka nchi mataifa 150 ziada, walijumuika kwenye Makao Makuu ya UM kujadilia tatizo la mabadiliko ya hali ya hewa duniani, na namna ya kukabiliana na suala hili kwa taratibu zitakazoletea natija, badala ya madhara, kwa umma wa kimataifa. Kikao hiki muhimu kiliandaliwa na KM Ban Ki-moon.

Baraza la Usalama latathminia amani na usalama wa Afrika

Viongozi wa Kitaifa, wakijumuika na wakuu wa Serekali pamoja na mawaziri wa vyeo vya juu kutoka nchi 15 zilizo wanachama wa Baraza la Usalama, pamoja na KM wa UM Ban Ki-moon na Mwenyekiti Alpha Oumar Konare wa Umoja wa Afrika (AU) walikusanyika mapema wiki hii kwenye Baraza la Usalama kujadilia njia bora za kurudisha utulivu wa amani na usalama katika Afrika, eneo ambalo linadaiwa kuwa na vurugu na migogoro ya kila aina.

Mkutano wa ngazi za juu kuitishwa Makao Makuu kuzingatia Darfur

Ijumaa, Septemba 21, kulifanyika kikao cha faragha kwenye Makao Makuu na kuhuduriwa na wawakilishi kutoka mataifa 26, ikiwemo Sudan, na pia wajumbe wa kudumu wa Baraza la Usalama, wawakilishi wa mataifa jirani na Sudan, na wawakilishi wa Baraza la Usalama na Amani la Umoja wa Afrika (AU) pamoja na maofisa wa Umoja wa Ulaya, na wawakilishi wa kutoka Umoja wa Nchi za Kiarabu, halkadhalika.

Mikutano ya daraja ya juu inazingatia amani ya Afghanistan na Iraq

Ijumamosi, wasikilizaji kulifanyika kikao cha hadhi ya juu hapa Makao Makuu kuhusu Iraq, kilichoongozwa na KM wa UM Ban Ki-moon na Raisi wa Iraq Nouri Al-Maliki.

Naibu KM wa UM anasailia matatizo ya kimataifa na Redio ya UM

Wiki hii wasikilizaji Idhaa ya Kiswahili ya Redio ya UM ilibahatika kupata fursa ya kufanya mahojiano maalumu na Naibu KM wa UM, Asha-Rose Migiro kwenye studio zetu. Naibu KM Migiro alisailia mada kadha wa kadha zinazoambatana na shughuli za UM, ikijumuisha utekelezaji wa Malengo ya Milenia ya Maendeleo (MDGs)katika mataifa masikini, suala la Darfur, mageuzi katika UM, udhibiti wa mabadailiko ya hali ya hewa na kadhalika.

Uchina itajitahidi kujihusisha kikamilifu kuleta suluhu maridhia Darfur

Mjumbe wa Uchina juu ya Suala la Darfur, Balozi Liu Guijin alizuru Makao Makuu mwanzo wa wiki na alikutana na wawakilishi wa jamii ya kimataifa pamoja na KM Ban Ki-moon. Kadhalika alichukua fursa hii na kufanya mazungumzo na Idhaa ya Redio ya UM ambapo alihojiwa na Fan Xiao wa vipindi vya Kichina. Balozi Liu aliombwa aelezee sababu hasa zilizoifanya Serekali ya Uchina kuamua kuteua Mjumbe Maalumu kushughulikia suala la Darfur?:

Katibu Mkuu ameitisha mkutano wa aina ya pekee kuimarisha maendeleo Afrika

Ripoti ya mwezi Juni (2007) ya Shirika la UM juu ya Miradi ya Maendeleo (UNDP) ilibainisha mataifa ya Afrika yaliopo kusini ya Sahara bado yamepwelewa sana kwenye juhudi za maendeleo, kwa ujumla, na hakuna dalili haya yatafanikiwa kuyakamilisha, kwa wakati, yale Malengo ya Maendeleo ya Milenia (MDGs) ya kupunguza kwa nusu, kabla ya 2015, umasikini, njaa, maradhi na kutojua kusoma na kuandika.

Fafanuzi za Kamanda Mkuu wa MONUC juu ya hali katika Kivu Kaskazini

UM umeripoti ya kuwa hivi karibuni maelfu ya raia wa Kongo wamelazimika kulihama jimbo la Kivu Kaskazini katika Jamhuri ya Kidemokrasi ya Kongo (DRC), baada ya kufumka tena mapigano baina ya vikosi vya Serekali na makundi ya waasi wanaoshirikiana na wanajeshi watoro.

Ziara ya Katibu Mkuu wa Umoja wa Mataifa Sudan

KM wa UM Ban Ki-moon wiki hii alifanya ziara ya siku nne nchini Sudan, ikiwa miongoni mwa juhudi za kimataifa, kuleta hatima ya mgogoro na vurugu liliolivaa jimbo la magharibi la Darfur. Kadhalika, KM alichukua fursa ya kujionea binafsi aina ya mazingira yatakayovikabili vikosi mseto vya UM na Umoja wa Afrika wa AU vitkavyopelekwa Darfur mwakani.~

Mkutano wa DPI/NGOs kuzingatia taathira za uchafuzi wa hali ya hewa duniani

~Mkutano shirika wa mwaka wa Idara ya Habari kwa Umma ya UM (DPI) pamoja na jumuiya za kiraia (NGOs) ulianza kikao chake cha siku tatu katika Makao Makuu ya Umoja wa Mataifa wiki hii. Mada ya mwaka huu ilisema “Mabadiliko ya Hali ya Hewa: Namna Yanavyotuathiri Sisi Sote.”