Katibu Mkuu wa Umoja wa Mataifa Ban Ki-moon leo ametoa wito wa kuwepo na juhudi za kina kupambana na uharamia kwenye pwani ya Somalia, akisema hali hiyo ni matokeo ya ukosefu wa usalama, kutokuwepo na serikali imara na umasikini kwenye taifa hilo la pembe ya Afrika.

Baraza la usalama limetakiwa kuhakikisha kwamba wanaotekeleza ukatili wa kimapenzi kama ubakaji hawapewi msamaha katika makubaliano yoyote ya kusitisha mapigano Libya au ivory Coast.

Baraza la haki za binadamu la Umoja wa Mataifa limewateua wataalamu watatu ambao watachunguza madai ya ukiukwaji wa haki za binadamu nchini Ivory Coast kufuatia ghasia zilizotokea baada ya uchaguzi wa urais uliokumbwa na utata.

Kwa kutambua haja ya hatua zaidi za kupambana uharamia, leo baraza la usalama la Umoja wa Mataifa limeamua kufikiria hatua za haraka za kuanzisha mahakama maalumu Somalia za kuwafungulia mashitaka na kuwahukumu maharamia Somalia na ukanda mzima.