Kimbunga Gombe

Shirika la Umoja wa Mataifa la Uhamiaji (IOM) lina wasiwasi kuhusu kuongezeka kwa mahitaji ya kibinadamu ya watu zaidi ya 700,000 walioathirika katika Mkoa wa Nampula nchini Msumbiji, kufuatia kimbunga cha Gombe ngazi ya 3 ambacho kilianguka kwenye pwani kati ya wilaya za Mossuril na Mogincual tarehe 11 Machi.  

Shirika la Umoja wa Mataifa la kuhudumia wakimbizi, UNHCR pamoja na serikali ya Msumbiji na washirika wa kibinadamu, wanaharakisha kusaidia maelfu ya familia zilizoathiriwa na kimbunga cha Tropiki cha Gombe, ambacho kilipiga katika jimbo la Nampula mnamo tarehe 11 ya mwezi huu wa Machi na kuharibu nyumba, maji kufunika mashamba, na kuwalazimisha watu kuyakimbia makazi yao ili kutafuta usalama.