Jordan

ILO imechukua hatua kurahisisha upatikanaji wa vibali vya kazi kwa wakimbizi nchini Jordan

Nchini Jordan shirika la kazi duniani, ILO limechukua hatua kurahisisha wakimbizi kutoka Syria wanaofanya kazi kwenye sekta ya kilimo na ujenzi wanapata vibali vya kazi kwa njia rahisi zaidi tofauti na sasa. 

Achanganya lugha ajikuta amekuwa fundi bomba badala ya sonara kama alivyokusudia

Video iliyoandaliwa na shirika la kuhudumia wakimbizi UNHCR, inamuonesha mkimbizi mmoja mwanamke kutoka Syria aliyeko ukimbizi nchini Jordan,  ambaye amejikuta akiwa fundi bomba na hata kufundisha wenzake kazi hiyo huko ukimbizini licha ya kwamba kazi yake alikotoka alikuwa ni sonara? Kulikoni? 

UN yaeleza kutiwa wasiwasi na matamshi ya Netanyahu

Katibu Mkuu wa Umoja wa Mataifa Antonio Guterres ameelezea kutiwa wasiwasi na taarifa ya waziri mkuu wa Israeli Benjamin Netanyahu kuhusu mipango yake ya kutaka kunyakua bonde la Jordan na kaskazini mwa bahari ya chumvi endapo atachaguliwa, kama hatua ya kwanza ya kuonyesha mamlaka yake ya  utawala kwa makazi na maeneo mengine yanayokaliwa kwenye ukingo wa magharibi.

Rais wa Baraza Kuu akutana na wanawake, wasichana na Watoto kambini Zaatari

Mapema leo Jumanne asubuhi Rais wa Baraza Kuu la Umoja wa Mataifa Maria Fernanda Espinosa amezuru kambi ya wakimbizi ya Zaatari nchini  Jordan. Kambi hiyo iliyo karibu na mpaka baina ya Syria na Jordan katika upande wa Kaskazini, ni maskani ya wakimbizi takriban 80,000 na karibu asilimia 20 ya kaya zote kambini zinaendeshwa na wanawake.

Wanawake kutoka Syria na Jordan 'wavunja miiko' na kuinua vipato vya familia zao

Nchini Jordan, mradi ulioanzishwa na wanawake 6 kwa ajili ya kutengeneza vitamutamu sasa umekuwa na manufaa makubwa siyo tu kwao pekee bali pia kwa jamii zao na ni kutokana na usaidizi kutoka shirika la kazi duniani , ILO. 

FAO nayo mstari wa mbele kuepusha mizozano kati ya wenyeji na wakimbizi

Wakati takwimu mpya za Umoja wa Mataifa zikionesha kuwa idadi ya wakimbizi duniani ikiwa ni zaidi ya milioni 70.8, shirika la chakula na kilimo duniani, FAO limetaja hatua inazochukua kuepusha mvutano kati ya wakimbizi na wenyeji wao iwe ndani ya nchi zao au ugenini.
 

Diplomasia ya amani kuchagiza maendeleo endelevu Mashariki ya Kati- Guterres

Katibu Mkuu wa Umoja wa Mataifa Antonio Guterres aliyeko ziarani huko Jordan, amezungumza kwenye  jukwaa la kiuchumi duniani, WEF mjini Amaan na kusisitiza msimamo wa chombo hicho wa kutumia diplomasia ya amani ili kusongesha maendeleo endelevu na uwekezaji huko Mashariki ya Kati.

ILO na kazi zenye staha kwa wakimbizi wa Syria nchini Jordan

Nchini Jordan kituo cha kusajili ajira kimekuwa na manufaa makubwa kwa wakimbizi ambao sasa wanajipatia ajira zenye hadhi na utu na hivyo kuweza kukimu siyo tu maisha yao bali pia ya familia zao.

Msimu wa baridi, madhila zaidi ya wakimbizi wa Syria nchini Jordan

Miezi ya msimu wa baridi kali ikinyemelea, ni kumbukizi nyingine ya madhila kwa wakimbizi wa Syria waliosaka hifadhi Jordan ambao wengi wao wanaishi katika mazingira magumu wakati huu ambapo inaelezwa kuwa juhudi za shirika la Umoja wa Mataifa la kuhudumia wakimbizi, UNHCR na wadau wake Jordan za kuwapatia vifaa vya kukabiliana na joto zinaonekana kuwa muhimu zaidi.  Taarifa zaidi na Siraj Kalyango.

Wafanyakazi wa mashambani Jordan ni taabani- ILO

Utafiti uliofanywa na shirika la kazi duniani, ILO huko Jordan, umebaini kuwepo kuwa wafanyakazi wa mashambani hususan wakimbizi kutoka Syria wanaoishi nchini humo wanafanya kazi katika mazingira magumu na hivyo hatua zinapaswa kuchukuliwa kuwaokoa.