Habari za wiki

UNICEF inahimiza kufadhiliwa msaada wa dharura kuokoa maisha ya raia katika Pembe ya Afrika.

Shirika la UM juu ya Mfuko wa Maendeleo kwa Watoto (UNICEF)limeripoti kuwa linahitajia kufadhiliwa haraka msaada wa dola milioni 43 kukidhia mahitaji ya dharura ya kiutu kwa mamilioni ya wanawake na watoto wadogo waliokabiliwa na tatizo haribifu la ukame katika eneo la Pembe ya Afrika.

UNHCR imefanikiwa kurudisha makwao katika Sudan ya kusini wahamiaji 262.

Shirika la UM Linalohudumia Wahamiaji (UNHCR) wiki hii limesaidia kwenye huduma za kuwarudisha Sudan ya kusini wahamiaji 262 kutoka Uganda ya Kaskazini. Idadi hii inajumlisha wahamiaji 10,000 kati ya 350,000 waliopo mataifa jirani na Sudan wanaotegemea kurudishwa makwao na UNHCR.

WHO inaashiria mfumko wa homa ya ndege siku za usoni.

Uchambuzi wa utafiti wa Shirika la Afya Duniani (WHO) umethibitisha kuwepo hatari kuu ya kufumka maambukizo ya virusi vya vya H5N1 miongoni ya wanadamu vitakavyozushwa na ndege na kuku wa mifugo.

Baraza la UM juu ya Haki za Kiutu kuchunguza hali katika maeneo ya Wafalastina.

Alkhamisi Baraza jipya la UM juu ya Haki za Kiutu limepitisha azimio la “kumpeleka haraka” Mkariri Maalumu wa haki za binadamu, John Dugard, katika yale maeneo yaliokaliwa kimabavu ya Wafalastina.