Habari za wiki

Mtaalamu wa UM athibitisha uchumi maendeleo umeshindwa kuzalisha ajira.

Charles Gore, Mtaalamu aliyetayarisha Ripoti ya UM ya 2006 juu ya Maendeleo ya Mataifa Yanayoendelea (LDC) amearifu wiki hii kwamba ijapokuwa katika 2004 maendeleo ya uchumi katika nchi masikini yaliongezeka kwa kiwango cha 5.9, muongezeko huu ulishindwa kupanua fursa za ajira na pia kutofanikiwa kupunguza ufukara na hali duni, kwa ujumla, katika maeneo hayo.

Mkutano wa UM wa mapitio dhidi ya biashara haramu ya silaha ndogo ndogo duniani

Baada ya mijadala ya wiki mbili hapa Makao Makuu iliozingatia ule Mpango wa Utendaji uliopitishwa mwaka 2001 kudhibiti biashara haramu ya silaha ndogo ndogo duniani wajumbe wa kimataifa walishindwa kupitisha azimio la pamoja kuhusu kikao hicho.

Wanajeshi walinzi wa UM waachiwa huru nchini Congo-DRC.

Wanajeshi watano walinzi wa amani wa UM kutoka Nepal waliotekwa nyara na kundi la waasi la FNI katika JKK kuanzia tarehe 28 Mei (2006) waliachiwa huru majuzi wakiwa na afya zao imara. Wanajeshi hawa hivi sasa wameshajiunga na vikosi vya kuimarisha amani vya UM ili kujiandaa na kusimamia hali ya utulivu ndani ya nchi kabla ya uchaguzi mkuu wa taifa mwisho wa mwezi.~~

Ripoti ya KM kuhusu mzozo nchini Uganda Kaskazini.

Ripoti ya KM iliyowasilishwa karibuni kuhusu mzozo wa Uganda ya Kaskazini imesisitiza ya kuwa licha ya Serekali za mataifa jirani kujaaliwa uwezo na dhamana ya kukabiliana na utenguzi wa haki za kiutu unaoendelezwa na kundi la waasi la LRA dhidi ya raia, kwa wao kuweza kulidhibiti tatizo hilo kithabiti na kusawazisha usalama wa eneo, watahitajia vile vile msaada na ujuzi wa UM.~~

Shirika la WFP lahitaji kufadhiliwa haraka msaada wa kihali kwa Angola.

Shirika la UM juu ya Miradi ya Chakula Duniani (WFP) limetoa mwito unaotaka lifadhiliwe haraka msaada wa dola milioni 12.6 ili kunusuru maisha ya raia muhitaji 700,000 wa Angola – wingi wao wakiwa watoto wadogo na wahamiaji waliofanikiwa kurejea makwao hivi karibuni.

Jean-Marie Guehenno awaarifu waandishi habari juu ya vikosi vya UM kwa Darfur.

Makamu KM juu ya Operesheni za Amani za UM, Jean-Marie Guehenno aliwaarifu waandishi habari wa kimataifa katika Makao Makuu kwamba ni muhimu kwa jamii ya kimataifa kufanyisha mazungumzo ya hali ya juu na Serekali ya Sudan ili kuondosha hali ya kutofahamiana na kutoaminiana, pindi tumenuia kuwasilisha mafanikio ya kudumu kuhusu pendekezo la kutuma majeshi ya amani ya UM katika Darfur, Sudan.

Mwakilishi wa KM juu ya Usomali ajadilia mchango wa UM nchini.

Mwakilishi wa KM juu ya Usomali, Francois Lonseny Fall wiki hii aliwaarifu waandishi habari wa kimataifa ya kuwa lengo kuu la UM katika Usomali ni kuwahimiza wafuasi wa makundi ya Kiislamu na wawakilishi wa Serekali ya Mpito (TFI) kuendelea kujadiliana na kushauriana juu ya uwezekano wa kurudisha, kipamoja, salama na amani katika taifa lao.~~

Mawaziri kutoka mataifa 60 ya Ulaya na Afrika wakutana Rabat, Morocco kuzingatia uhamiaji wa magendo.

Katika mkutano uliofanyika mjini Rabat, Morocco wiki hii ambapo mawaziri kutoka mataifa karibu 60 ya Ulaya na Afrika walizingatia suala la wahamaji, kulitolewa mwito wa pamoja uliopendekeza Shirika la UM juu ya Huduma za Wahamiaji (UNHCR)lihusishwe kuyasaidia mataifa haya kudhibiti vyema tatizo gumu,

Mataifa sita ya Kusini ya Bahari ya Hindi yatiana sahihi muafaka wa hifadhi ya samaki.

Mataifa sita, baadhi yao kutoka sehemu ya Kusini ya Bahari ya Hindi, ikijumuisha Visiwa vya Comoros, Ufaransa, Kenya, Msumbiji, New Zealand na Ushelisheli yametiana sahihi maafikiano ya kutunza na kuhifadhi, kwa ushirika, mali ya asili ya samaki katika maeneo yao.

Mkutano wa UM juu ya Tatizo la Silaha Ndogo Ndogo Duniani.

Mnamo mwaka 2001 wawakilishi wa Mataifa Wanachama katika UM walipitisha, kwa kauli moja, Mpango wa Utendaji uliokusudiwa kuihamasisha jamii ya kimataifa kushirikiana kuratibu kanuni mpya za kuboresha sheria za kitaifa zinazohitajika kudhibiti biashara haramu ya silaha ndogo ndogo ulimwenguni.