Habari za wiki

UNICEF imezindua kampeni nyingine ya machanjo huko Haiti

UNICEF inakadiria kwamba zaidi ya watu milioni 2 wangali wanaathiriwa moja kwa moja au kwa njia nyingine na matokeo ya mtetemeko wa ardhi huko Haiti. Na watu wengine milioni 1.3 wamekoseshwa makazi yao hadi hivi sasa.

UM umeleeza wasi wasi wake baada ya kutekwa nyara mtetea haki za binadamu Kongo

Afisi ya kulinda amani ya Umoja wa Mataifa huko Jamhuri ya Kidemokrasia ya Kongo MONUSCO imeeleza wasi wasi wake kutokana na kile kinachoaminika ni kutekwa nyara mtetea haki za binadam aliyezungumza dhidi ya ukiukaji wa haki za binadam unaofanywa na wanajeshi wa nchi hiyo.

Wakuu wa UNICEF/WFP wato wito wa msaada mpya kwa waathiriwa wa mafuriko Pakistan

Wakurugenzi wakuu wa Idara ya kuwahudumia watoto UNICEF na Mpango wa Chakula Duniani WFP wametoa wito kwa jumuia ya mataifa hii leo kuongeza msaada wao kwa waathiriwa wa mafuriko yanayoendelea huko Pakistan.

UNIFEM kuwatayarisha wagombea wanawake kuelekea uchaguzi mkuu wa Tanzania mwaka huu

Idara ya Maendeleo kwajili ya Wanawake ya Umoja wa Mataifa UNIFEM, inaanda warsha mwezi mzima wa Septemba, katika wilaya saba za uchaguzi nchini Tanzania ili kuimarisha mikakati ya uchaguzi ya wagombea wanawake, kabla ya uchaguzi mkuu wa October.

UNICEF yapongeza kuundwa kitengo cha kuwalinda watoto Sudan ya Kusini

Idara ya Watoto ya Umoja wa Mataifa UNICEF imeipongeza serikali ya Sudan ya Kusini kuundwa na kuzinduliwa kitengo cha kulinda watoto ndani ya Jeshi la Ukombozi wa Sudan ya Kusini SPLA, ikielezea kwamba hiyo ni hatua ya kihistoria kwajili ya haki za watoto nchini humo.

Umoja wa Mataifa unazindua mpango wa kupambana na biashara ya binadamu

Baraza Kuu la Umoja wa Mataifa linakutana hii leo kuzindua rasmi Mpango wa Kimataifa wa Kuchukuliwa Hatua kupambana na biashara haramu ya binadamu. Akizungumza kwenye mkutano huo, Katibu Mkuu Ban Ki-moon anasema biashara haramu ya watu ni miongoni mwa ukiukaji mbaya kabisa wa haki za binadamu.

Ban Ki-moon awaombea heri waliokwama kwenye machimbo nchini Chile

Katibu Mkuu wa Umoja wa Matifa Ban Ki-moon amewaombea heri manusuru wanaoendelea kukwama katika machimbo moja ya migodi nchini Chile akisema kuwa anaamini wataopolewa wakiwa bado salama.

WHO yasema zaidi ya watoto nusu milioni huenda wakazaliwa kwenye dimbwi la mafuriko yaliyoikumba Pakistan

Shirika la afya Ulimwenguni WHO linakadiria kwamba zaidi nusu ya milioni ya kina mama wajawazito ambao wamekumbwa na mafuriko nchini Pakistan watajifungua katika kipindi cha miezi sita kuanzia sasa.

Niger inahitaji msaada wa dharura kutokana na mafuriko: OCHA

Idara ya Kuratibu Huduma za Dharura za Umoja wa Mataifa OCHA imetoa wito kwa wafadhili na mashirika ya misaada kupeleka kwa haraka sana vifaa vya kuwapatia watu hifadhi, mablanketi na vyandarua vya kujikinga na umbu, wakati mvua nyingi zina wasababisha watu kuhama huko Niger kutokana na mafuriko makubwa.

UM unalaani kuuliwa wagombea wawili na wafanyakazi wa kampeni Afghanistan

Ofisi ya Umoja wa Mataifa huko Afghanistan UNAMA imelaani kuuliwa kwa wagombea wanne wa uchaguzi wa bunge katika jimbo la magharibi la Herat huko Afghanistan pamoja na mauwaji ya watu watano wanaosaidia katika kampeni za uchaguzi za mgombea mmoja mwanamke katika jimbo hilo hilo.