Habari za wiki

Afisa wa UM anahimiza mkatati wa kupambana na uharamia Somalia

Naibu Mjumbe Maalum wa UM kwa ajili ya Somalia Charles Petrie ametoa mwito wa kuwepo na mkakati thabiti na mpana wa kupambana na uharamia nje ya pwani ya Somalia, akieleza kwamba kuenea kwa tatizo hilo ni kutokana na kutumia mbinu ya kupambana nao baharini pekee yake.

WHO yapongeza msaada wa dola bilioni 10 kutoka kwa taasisi ya Gates.

Shirika la Afya duniani limepongeza ahadi ya dola bilioni 10 ya msaada kutoka taasisi ya Bill na Melinda Gates ili kufanya utafiti, kutengeneza na kuwasilisha machanjo ya kuokoa maisha mnamo muongo moja ujao.

Idadi ya watu walokimbia makazi Yemen imepindukia 250,000

Hali ya mzozo wa kibinadamu huko Yemen ikendelea kuzorota, Idara ya kuwahudumia wakimbizi ya Umoja wa Mataifa UNHCR ilitangaza Ijuma kwamba inakadiria watu 250, 000 wamekimbia makazi yao tangu mapambano kuzuka nchini humo 2004.

UM: watu milioni 1.1 wanahitaji makazi ya dharura Haiti.

Umoja wa Mataifa unakadiria kwamba kati ya watu laki tisa hadi milioni 1.1 wanahitaji msaada wa makazi ya dharura huko Haiti, wengi wao katika mji mkuu wa Port au Prince.

UM: zaidi ya ajali asili 3 800 zilitokea muongo ulopita

Idara ya Umoja wa Mataifa ya kujaribu kupunguza maafa imeeleza kwamba mnamo muongo uliyopita kumekuwepo na ajali asili 3 800 zilizosababisha vifo vya watu 780 000. Idara hiyo inakadiria ajali asili hizo zimesababisha uharibifu wa mali wa kiasi cha dola bilioni 960.

Baraza la Usalama linaongeza muda wa vikosi vya UM nchini Cote d'Ivoire

Baraza la Usalama limeidhinisha Alhamisi, kuongeza muda wa afisi ya Umoja wa Mataifa nchini Cote d\'Ivoire, UNOCI pamoja na ule wa vikosi vya Ufaransa vinavowasaidia, kwa miezi minne zaidi ili kusaidia kuandaa uchaguzi wa huru, haki na wazi katika taifa hilo la Afrika Magharibi.

Mjumbe wa UM na Umoja wa Afrika amejadili Darfur na viongozi wa Sudan

Mjumbe maalum wa Umoja wa Mataifa na Umoja wa Afrika, Ibrahim Gambari, amekutana na waziri wa ulinzi wa Sudan kujadili mustakbal wa eneo la Darfur linalokumbwa na ghasia, kama sehemu ya mikutano kadhaa na viongozi wa Sudan .

Ban: Msaada wa Kimataifa kwa Afghanistan usiwe kwa ajili ya usalama pekee

Katibu Mkuu wa Umoja wa Mataifa Ban Ki-moon, alitoa mwito kuwepo na mkakati wa kisiasa wenye mpangilo ili kuisaidia Afghanistan katika kutafuta amani, usalama na maendeleo, akieleza kwamba, changamoto za nchi hiyo haziwezi kutanzuliwa kwa njia ya kijeshi pekee.

UM unashiriki katika mkutano wa kimataifa juu ya Yemen

Mkuu wa masuala ya kisiasa wa Umoja wa Mataifa ataongoza ujumbe kushiriki katika mkutano wa mawaziri wa kimataifa uloanza mjini London siku ya Jumatano juu ya hali huko Yemen, wakati wasi wasi unaongezeka kuhusiana na kuzidi kwa ushawishi wa al-Qaida na makundi mengine yenye itikadi kali katika taifa hilo la Kiarabu.

UM unaondowa vikwazo dhidi ya maafisa 5 wa zamani wa Taliban

Maafisa watano wa zamani wa serekali ya Taliban wameondolewa kutoka orodha ya vikwazo vya Umoja wa Mataifa kabla ya kuanza kwa mkutano muhimu wa kimataifa siku ya Alhamisi mjini London, unaotarajia kuzingatia juu ya mpango wa serekali ya Afghanistan kuwarai wanaharakati kubadilisha upande.