Filippo Grandi

Suluhisho lazima zipatikane kwa mamilioni waliokimbia makazi yao Sudan na Sudan Kusini:UNHCR

Kupata suluhisho zinazotegemea amani na maendeleo ni muhimu kwa mustakabali wa watu karibu milioni saba waliolazimika kuhama kwa nguvu makwao kutoka Sudan na Sudan Kusini, amesema kamishna mkuu wa shirika la Umoja wa Mataifa la kuhudumia wakimbizi UNHCR Filippo Grandi kufuatia ziara yake ya siku tatu katika nchi hizo mbili. 

UNHCR na Kenya zakubaliana kuhusu mustakabali wa kambi za Kakuma na Dadaab

Shirika la Umoja wa Mataifa la kuhudumia wakimbizi, UNHCR na serikali ya Kenya wamekubaliana juu ya mustakabali wa kambi za wakimbizi za Kakuma na Dadaab nchini humo kwa kuridhia kuunda kamisheni ya pamoja ya kutoa majawabu ya masuala ya msingi kuhusu hatma ya wakimbizi.

Asante Rwanda kwa kukubali kunusuru wasaka hifadhi walio hatarini Libya- Grandi 

Kamishna Mkuu wa shirika la Umoja wa Mataifa la kuhudumia wakimbizi, UNHCR Filippo Grandi ambaye bado yuko ziarani kwenye ukanda wa Maziwa Makuu barani Afrika, amezishukuru Rwanda na Niger kwa kuwezesha utekelezaji wa mpango wa kuhamisha wasaka hifadhi wanaokumbwa na madhila nchini Libya. 

Jamii ya kimataifa msiisahau DRC, yenyewe imejitoa vya kutosha- Grandi

Mkuu wa shirika la Umoja wa Mataifa la kuhudumia wakimbizi, UNHCR Filippo Grandi ametoa wito kwa jumuiya ya kimataifa kuimarisha msaada wake na mshikamano na wananchi wa Jamhuri ya Kidemokrasia ya Congo, DRC, taifa ambalo licha ya kuwa na idadi kubwa ya wakimbizi wa ndani barani Afrika, bado limekuwa na ukarimu wa kuhifadhi nusu milioni ya watu wanaokimbia mizozo katika maeneo mengine barani humo.
 

Uganda inahitaji kupigwa jeki iweze kuendelea kukirimu wakimbizi:Grandi

Kamishina mkuu wa shirika la Umoja wa Mataifa la kuhudumia wakimbizi UNHCR Filippo Grandi akiwa ziarani nchini Uganda amesema taifa hilo linastahili na linahitaji kupigwa jeki ili liweze kumudu changamoto za wakimbizi linaowahifadhi na kuendelea kukirimu wengine.

Kamishna Mkuu wa UNHCR aisihi jumuiya ya kimataifa kuiunga mkono Colombia kuwasaidia wavenezuela

Kamishna Mkuu wa shirika la Umoja wa Mataifa la kuhudumia wakimbizi UNHCR, Filippo Grandi akiwa ziarani Colombia amesema ukarimu wa Colombia katika kukaribisha wakimbizi wa Venezuela haupaswi kuchukuliwa kwa urahisi na akaomba msaada wa kimataifa kuunga mkono juhudi za nchi hiyo ambazo zinaendelea kulinda watu waliokimbia makazi yao licha ya changamoto za janga la COVID-19.