Europe

Baraza la WHO lahitimisha mkutano wa mwaka Geneva

Mkutano wa mwaka wa Baraza Kuu la Shirika la Afya Duniani (WHO) umemaliza kikao cha 2009 Ijumaa ya leo, kikao ambacho Mkurugenzi wa WHO, Dktr Margaret Chan alisema kilifanikiwa kuwapatia walimwengu “bishara ya nguvu ya masharti ya kudumu kuhusu maamirisho ya miradi ya afya ya jamii” pote ulimwenguni.

Nchi zinazoendelea zahitajia misaada maridhawa kuokoka na mizozo ya fedha, inashauri UM

UM umearifu ya kuwa fungu kubwa la mataifa yanayoendelea hivi sasa yanafanana na waathiriwa wasio hatia wa ile mizozo ya fedha iliopamba karibuni kwenye soko la kimataifa, wakati mataifa tajiri, yaliosababisha mzozo huo, hayajaonyesha dhamira ya kuzisaidia nchi maskini katu kukabiliana na mgogoro huu wa fedha.

Vifo vya watoto wachanga vimeteremeka karibuni, imeripoti WHO

Shirika la Afya Duniani (WHO) limewasilisha ripoti mpya ya maendeleo inayofungamana na zile juhudi za kuyatekeleza, kwa wakati, Malengo ya Maendeleo ya Milenia yanayohusu juhudi za kupunguza vifo vya watoto wachanga ulimwenguni.

Dozi bilioni 5 zaashiriwa kutayarishwa na makampuni ya madawa kupambana na homa ya H1N1

Dktr Margaret Chan, Mkurugenzi Mkuu wa Shirika la Afya Duniani (WHO) ameripoti ya kuwa hali ya kawaida ikijiri, kuna uwezekano kwa makampuni ya madawa ya kimataifa yakamudu kuharakisha utengenezaji wa dozi bilioni 4.9 za chanjo dhidi ya vimelea vya homa mpya ya mafua ya H1N1 katika kipindi cha mwaka mmoja.

UNFCCC imeripoti maendeleo kwenye majadiliano kuhusu udhibiti wa mabadiliko ya hali ya hewa duniani

Taasisi ya UM ya juu ya Utendaji wa Mkataba wa Kudhibiti Mabadiliko ya Hali ya Hewa Duniani (UNFCCC) imetoa ripoti rasmi, ya kurasa 53, yenye mapendekezo kadha wa kadha, ya kuzingatiwa na kutekelezwa na mataifa yote wanachama, ikijumlisha mataifa tajiri na maskini, ili kudhibiti bora taathira haribifu zinazochochewa na hali ya hewa isio ya kikawaida wakati nchi wanachama zitakapokutana Copenhagen, baada ya siku 200 zijazo.

Wahusika wingi wanatakikana kutekeleza sera za kupunguza silaha duniani, anasema KM

Wajumbe wa kimataifa wanaohudhuria Mkutano wa Upunguzaji Silaha Geneva, walinasihiwa na KM Ban Ki-moon kwamba kunahitajika kuwepo mwelekeo unaohusisha pande mbalimbali pindi wamewania kuwasilisha kidhati maendeleo yanayosarifika kwenye zile juhudi za kupunguza silaha duniani.

Mkuu wa WHO anasema taarifa inayoaminika ya H1N1 ni muhimu kutuliza wahka wa umma kimataifa

Dktr Margaret Chan, Mkurugenzi Mkuu wa Shirika la WHO, kwenye mashauriano ya kiwango cha juu kuhusu maambukizi ya homa ya mafua ya A(H1N1) yaliofanyika Geneva Ijumatatu, alitilia mkazo umuhimu wa kuripoti "taarifa halisi za kitaaluma, zinazoaminika, juu ya vipengele mbalimbali vilivyodhihiri kuhusu ugonjwa huu, na kuwawezesha wataalamu kufanya maamuzi ya dharura ya kudhibiti bora mfumko wa maradhi kwa kujitayarisha kukabiliana na janga hilo kimataifa."

Makampuni ya madawa yaombwa na KM kushirikiana kimataifa kudhibiti vyema homa ya A(H1N1)

KM Ban Ki-moon kwenye risala yake mbele ya kikao cha 62 cha Baraza Kuu la Afya Duniani, kilichofunguliwa rasmi mapema wiki hii mjini Geneva, aliyahimiza makampuni yenye kutengeneza madawa kushirikiana na serikali wanachama katika kutafuta suluhu ya dharura, ili kuulinda ulimwengu na maambukizi hatari ya mripuko wa karibuni wa maradhi ya homa ya mafua ya A(H1N1).

Kikao cha mwaka cha wenyeji wa asili kimefunguliwa rasmi Makao Makuu

Tume ya Kudumu ya UM juu ya Masauala ya Wenyeji wa Asili (UNPFII) imeanzisha kikao cha mwaka, kitakachokua karibu wiki mbili, kwenye Makao Makuu ya UM na kuendelea mpaka tarehe 29 Mei (2009), kwa makusudio ya kusailia taratibu za kuharakisha utekelezaji wa Mwito wa Kimataifa juu ya Haki za Wenyeji wa Asili.

Ripoti kinga ya WHO dhidi ya maambukizi ya homa ya A(H1N1)

Alkhamisi (14 Mei 2009), taarifa ya Shirika la Afya Duniani juu ya hali ya maambukizi ya vimelea vya homa ya mafua ya H1N1 ulimwenguni ilieleza ya kuwa nchi wanachama 33 ziliripoti rasmi kwa WHO kugundua wagonjwa waliopatwa na maradhi hayo kwenye maeneo yao.